ფოტოამბავი | დადგა ხალხის გაზაფხული

31 მარტს, საქართველოში მიმდინარე უწყვეტი საპროტესტო აქციების 124-ე დღეს, თბილისის ქუჩებში უამრავი ხალხი გამოვიდა „ხალხის გაზაფხულის“ დადგომის აღსანიშნავად. სწორედ ამ დღეს, 34 წლის წინ, დამოუკიდებლობის აღდგენის ისტორიული რეფერენდუმი გაიმართა და საქართველომ 1921 წელს საბჭოთა ოკუპაციის შედეგად დაკარგული დამოუკიდებლობა აღიდგინა. რუსთაველის გამზირი გადაჭედილი იყო, რადგან დემონსტრანტთა ჯგუფები, რომლებიც სხვადასხვა მსვლელობებში მონაწილეობდნენ, პარლამენტის წინ მიმდინარე აქციას შეუერთდნენ.

სალომე ზურაბიშვილმა შეკრებილებს სიტყვით მიმართა და, სხვა საკითხებთან ერთად, წინააღმდეგობის პლატფორმა დაანონსა, რომელიც ღიაა ყველა პროევროპული პოლიტიკური ჯგუფისთვის. აქციაზე ხმაურიანი და დინამიური ატმოსფერო იყო. აქციის მონაწილეებმა ფეიერვერკებიც ისროლეს, რაც მიმდინარე წინააღმდეგობის სიმბოლოა.

აქცია „ქართული ოცნების“ პარლამენტის დროებითი საგამოძიებო კომისიის მიერ 2008 წლის აგვისტოს ომის სადავო გამოძიების მიმართ მზარდი შეშფოთების ფონზე გაიმართა. აქციის მონაწილეებმა რუსთაველის გამზირზე აგვისტოს ომში დაღუპული ქართველი სამხედროების ფოტოები მიიტანეს და მათ მიერ გაღებულ მსხვერპლს პატივი მიაგეს.

This post is also available in: English (ინგლისური)