ფოტოამბავი | უკრაინისადმი სოლიდარობის მსვლელობა და აქცია

1 month ago 13

ქართველმა დემონსტრანტებმა 24 თებერვალს უკრაინაში რუსეთის სრულმასშტაბიანი შეჭრის მესამე წლისთავი აღნიშნეს და ომით განადგურებულ ქვეყანას სოლიდარობა გამოუცხადეს. მსგავსი აქციები, თუმცა უფრო მცირე მასშტაბით, საქართველოს სხვა ქალაქებშიც გაიმართა.

თბილისში სოლიდარობის აქცია სამოქალაქო საზოგადოების ორგანიზაციების, პროტესტი 24-ისა და საბჭოთა წარსულის კვლევის ლაბორატორიის მიერ გაიმართა. ორგანიზატორებმა ხაზი გაუსვეს ომის უფრო ფართო კონტექსტს და განაცხადეს: „ამ ომის დასარულზეა დამოკიდებული არა მარტო ევროპის ბედი, არამედ კონკრეტულად საქართველოს უსაფრთხოებაც. უკრაინა იბრძვის დამოუკიდებლობისათვის და ფარად უდგას პუტინის შემდგომ სამიზნეებს. მათ შორის, ერთ-ერთი პირველი საქართველოა“.

აქცია 19:00 საათზე უკრაინის საელჩოსთან დაიწყო. აქციის მონაწილეებმა პატივი მიაგეს როგორც უკრაინულ წინააღმდეგობას, ასევე ომში დაღუპულ ქართველ მოხალისეებს. შემდეგ მონაწილეები რუსთაველის გამზირზე გაემართნენ უკრაინისადმი მხარდაჭერის გამოხატვის მიზნით. მათ ხელში ეკავათ უკრაინის, საქართველოსა და ევროკავშირის დროშები და ბანერები წარწერით „რუსეთი ტერორისტული სახელმწიფოა“ და „დიდება უკრაინას“. მსგავსი სოლიდარობის მსვლელობები თბილისში 2023 და 2024 წლებშიც გაიმართა.