ფრანგი ფოტოჟურნალისტი საქართველოში არ შემოუშვეს

ფრანგი ფოტოჟურნალისტი ჟერომ შობო, რომელიც თბილისში პროევროპულ და რეჟიმის წინააღმდეგ მიმდინარე საპროტესტო აქციებს აშუქებდა, 31 მარტს ქვეყანაში არ შემოუშვეს.

„არ გამიშვეს აეროპორტში და თვითმფრინავში დავბრუნდი… მადლობა შეტყობინებებისთვის”, – წერს შობო ინსტაგრამზე.

შობო აქტიურად აშუქებდა პროევროპულ დემონსტრაციებს, რომლებიც თბილისში უკვე 100 დღეზე მეტია გრძელდება. თავის ინსტაგრამის გვერდზე მან უამრავი ფოტო და კოლაჟი გამოაქვეყნა, რომლებზეც ასახულია როგორ აკავებენ ქართველი ნიღბიანი პოლიციელები აქტივისტებს, მათ შორის ოპოზიციის ლიდერს ნიკა მელიას. 3 თებერვლის პოსტის სახელია „ჯოჯოხეთის პოლიციელები“.

პრესის თავისუფლების დამცველმა საერთაშორისო ორგანიზაციამ „რეპორტიორები საზღვრებს გარეშე (RSF)“ დაგმო შობოს წინააღმდეგ მიღებული გადაწყვეტილება. ორგანიზაციის თქმით, შობო თბილისში ჩამოსვლისთანავე „დააკავეს და ახსნა-განმარტების გარეშე უფლებები ჩამოართვეს“. „ის აშკარად დემონსტრაციების გაშუქების კუთხით გაწეული სამუშაოსთვის ისჯება. ხელისუფლებამ უნდა განმარტოს ამგვარი საქციელი და შეწყვიტოს შევიწროება“, – აცხადებს ორგანიზაცია.

საქართველოს ხელისუფლებას ამ საკითხზე კომენტარი ჯერ არ გაუკეთებია და ფოტოჟურნალისტის არშემოშვების მიზეზი უცნობია.

ეს პირველი შემთხვევა არაა, როდესაც აქტივისტებს, უფლებადამცველებს, ჟურნალისტებსა და პოლიტიკოსებს ქვეყანაში შემოსვლაზე უარს ეუბნებიან. ლიეტუველი უფლებადამცველი რეგინა იეგოროვა-ასკეროვა მათ შორის იყო, ვინც ცოტა ხნის წინ საქართველოში არ შემოუშვეს.

მასალა განახლდება…

ასევე წაიკითხეთ:

• 23/10/2024 – ჩეხი ჟურნალისტი საქართველოში არ შემოუშვეს
• 17/09/2024 – სომეხი ჟურნალისტი საქართველოში არ შემოუშვეს
• 16/09/2024 – ბელარუს ჟურნალისტს საქართველოში შემოსვლის უფლება არ მისცეს და დეპორტაცია ემუქრება

This post is also available in: English (ინგლისური) Русский (რუსული)