ფსიქოლოგიური ზეწოლა, ბულინგი – ჩემთვის უცხო ნამდვილად არ არის. ორი წელია ამ ყველაფრის წინაშე ვდგავარ და ვუძლებ – ნუცა ბუზალაძე

მომღერალი ნუცა ბუზალაძე სოცილურ ქსელში წერს:

„მოგესალმებით, მე, როგორც საქართველოს მოქალაქე და ჩემი ქვეყნის ერთგული გულშემატკივარი, ვგმობ ნებისმიერი სახის ძალადობას მშვიდობიანი მოქალაქეების, სამართალდამცავების, ჟურნალისტებისა თუ განსხვავებული აზრის მქონე ადამიანთა მიმართ.

არანაირი მიზანი არ ამართლებს ძალადობას!

მესმის, რომ თითოეულ ჩვენგანს ძალიან უყვარს სამშობლო, ჩვენი პატარა და კოხტა საქართველო, თუმცა „გზა ხსნისა“ სხვადასხვაგვარად გვესახება.

მიმაჩნია, რომ ერთმანეთის გატანა და გვერდში დგომა უმთავრესია ჩვენი ერის წინსვლისათვის! გვახსოვდეს, ერთობა ჩვენი ქვეყნის გადარჩენისთვის მთავარი რამ არის!

გვიყვარდეს ერთმანეთი!

p.s. ფსიქოლოგიური ზეწოლა, ბულინგი – ჩემთვის უცხო ნამდვილად არ არის. ორი წელია ამ ყველაფრის წინაშე ვდგავარ და ვუძლებ.

ძალიან რთულია, როცა შენს სამშობლოში დაძაბული მდგომარეობაა, გამონახო ძალა სცენაზე მაყურებლის წინაშე წარსადგენად, ამიტომ 14 დეკემბერს დაგეგმილ კონცერტზე New york-ში, მე აღარ მივიღებ მონაწილეობას.ჩემს თანამემამულეებს ვუსურვებ პირველ რიგში მშვიდობას და ევროპისკენ ღირსეულ წინსვლას! მიყვარხართ და მიყვარს ჩემი საქართველო“