„ქართული ოცნება“ სოციალურ მედიაში „შეურაცხყოფის“ გამო ოპონენტებს უჩივლებს

საქართველოს ერთპარტიული პარლამენტის ფრაქცია „ქართული ოცნება“ შინაგან საქმეთა სამინისტროს საჩივრით მიმართავს საჯარო სივრცეში, მათ შორის სოციალურ მედიაში, მათ წინააღმდეგ მიმართული შეურაცხყოფის გამო.

„უცხოეთიდან დაფინანსებული ექსტრემისტები არ ერიდებიან უშვერი სიტყვებით ლანძღვას, მუქარას, ბულინგს, ოჯახის წევრებისა და ახლობლების შეურაცხყოფას, რამაც, როგორც აღვნიშნეთ, იმდენად მასშტაბური და სისტემური ხასიათი მიიღო, რომ ტერორზე რეაგირება არა მხოლოდ ჩვენი უფლება, არამედ ჩვენი ვალდებულებაა”, – განაცხადა „ქართული ოცნების“ დეპუტატმა ირაკლი კირცხალიამ 6 ივნისს გამართულ ბრიფინგზე.

This post is also available in: English