„ქართული ოცნების“ საგარეო საქმეთა მინისტრი აშშ-ის ელჩს შეხვდა

„ქართული ოცნების“ საგარეო საქმეთა მინისტრი მაკა ბოჭორიშვილი 14 მარტს აშშ-ის ელჩს რობინ დანიგანს შეხვდა. ეს აშშ-ის ელჩის პირველი შეხვედრაა ბოჭორიშვილთან 26 ოქტომბრის არჩევნებისა და ამ უკანასკნელის დანიშვნის შემდეგ.

აშშ-ის საელჩომ ფეისბუქზე გავრცელებულ განცხადებაში აღნიშნა, რომ ელჩმა დანიგანმა ბოჭორიშვილს „გააცნო პრეზიდენტ ტრამპისა და სახელმწიფო მდივან რუბიოს მთავარი პრიორიტეტები, ასევე, ის ნაბიჯები, რომელიც საქართველოს შეუძლია გადადგას, რათა აჩვენოს ამერიკის შეერთებულ შტატებთან ურთიერთობის გაუმჯობესებისადმი სერიოზული დამოკიდებულება“.

რაც შეეხება საქართველოს საგარეო საქმეთა სამინისტროს განცხადებას, სამინისტრომ დაადასტურა აშშ-საქართველოს პარტნიორობის მნიშვნელობა, რომელიც  „საერთო ღირებულებებსა და ინტერესებს ეფუძნება“. ამავე განცხადების თანახმად, ორ ქვეყანას შორის პარტიორობა „პოზიტიურ დინამიკას საჭიროებს, რისი მზადყოფნაც საქართველოს ხელისუფლებამ არაერთხელ დაადასტურა“.

„შეხვედრის დასასრულს, მხარეებმა გამოხატეს მზადყოფნა, აქტიურად იმუშაონ ორი ქვეყნის სტრატეგიულ თანამშრომლობაში პროგრესის მისაღწევად“, – ნათქვამია განცხადებაში.

ასევე წაიკითხეთ:

• 01/03/2025 – კობახიძე გლობალური ომის პარტიას და ‘დიფ სთეითს’ „პრეზიდენტ ტრამპის სამშვიდობო ძალისხმევისთვის“ წინააღმდეგობის გაწევაში ადანაშაულებს
• 31/01/2025 – კობახიძე მიესალმება ტრამპის ადმინისტრაციის მიერ უცხოური დაფინანსების შეჩერებას
• 19/12/2024 – აშშ-ის სახაზინო დეპარტამენტმა აქციის მონაწილეების, ჟურნალისტების და პოლიტიკოსების მიმართ სისასტიკისთვის შსს-ს მაღალჩინოსნებს სანქციები დაუწესა

This post is also available in: English (ინგლისური)