„ქართული ოცნების“ ყოფილი დეპუტატი კომუნიკაციების კომისიის წევრი გახდა

გოგა გულორდავა, „ქართული ოცნების“ ყოფილი დეპუტატი, 9 დეკემბერს საქართველოს სადავო პარლამენტმა კომუნიკაციების კომისიის ახალ წევრად დაამტკიცა, რადგან კომისიის თავმჯდომარეს კახი ბექაურს, რომელიც ამ თანამდებობას 2017 წლიდან იკავებდა, ვადა ეწურება. ახალი თავმჯდომარე კომისიის წევრთაგან აირჩევა.

გულორდავას კანდიდატურას 77 დეპუტატმა დაუჭირა მხარი, წინააღმდეგ კი არავის მიუცია ხმა. იგი თანამდებობას 2026 წლის 26 იანვრიდან დაიკავებს, როდესაც ბექაურის ვადა ამოიწურება.

გულორდავა 2016 წლიდან 2020 წლამდე წალენჯიხის მაჟორიტარი დეპუტატი იყო „ქართული ოცნებიდან“. 2013 წლიდან 2016 წლამდე იგი წალენჯიხის მუნიციპალიტეტის ადმინისტრაციას ხელმძღვანელობდა.

This post is also available in: English