“ყველა რომ საკუთარ ამბიციებს და ეგოებს ზომავთ ამ ქვეყანაში, ეგებ ჯერ სახელმწიფოს ამბიცია განგვესაზღვრა!” – ლელა ჯეჯელავა

ანალიტიკოს ლელა ჯეჯელავას შეფასებები, მინიშნებები და მთავარი პრიორიტეტები:

“პოლიტიკური ალტერნატივის და ტექნიკური თუ დროებითი მთავრობების შექმნა კი არ არის გზა, გზა არის ალტერნატიული სახელმწიფოებრივი იდეის და სახელმწიფოს მოდელის შექმნა, როგორ უნდა მოხდეს ცივილზაციური გადატვირთვა და შეიქმნას ციფრული ეპოქის პარადიგმის შესატყვისი სახელმწიფო – ბრენდი საქართველო, თავისი უნიკალური ფუნქციით და ამ ფუნქციის რეალიზების მექანიზმებით.

სანამ არ შევთანხმდებით რა გვინდა, განხეთქილების ვაშლი ყოველთვის იქნება, ვინ გვინდა.

სახელმწიფო არ შეიძლება იყოს არც დერეფანი, არც ჰაბი და არც შტაბი😊 – ეს დამატებითი მექანიზმებია მისი ფუნქციის რეალიზებისათვის.

ყველა რომ საკუთარ ამბიციებს და ეგოებს ზომავთ ამ ქვეყანაში, ეგებ ჯერ სახელმწიფოს ამბიცია განგვესაზღვრა!” – წერს ლელა ჯეჯელავა ფეისბუქის პირად გვერდზე.