შემოდგომაზე საქართველოში ტრამპი, პუტინი, სი ძინ პინი და ერდოღანი ჩამოვლენ? – მოულოდნელი ინფორმაცია ამერიკიდან!

კიმბერლი ლოუ  შემოდგომაზე საქართველოში კვლავ “მსოფლიო მშვიდობის ფორუმი” გამართვას აანონსებს.

ლოუს მტკიცებით, სამიტს “მრავალი გავლენიანი პოლიტიკოსი და საზოგადო მოღვაწეა მიწვეული, მათ შორის აშშ-ის პრეზიდენტი დონალდ ტრამპი, რუსეთის ლიდერი ვლადიმერ პუტინი, ჩინეთის პრეზიდენტი სი ძინპინი და თურქეთის პრეზიდენტი რეჯეფ თაიფ ერდოღანი.

კიმბერლი ლოუ  აცხადებს, რომ ორგანიზატორები ცდილობენ უზრუნველყონ სხვადასხვა თვალსაზრისის მაქსიმალურად ფართო წარმოდგენა და შექმნანხელსაყრელი ატმოსფერო კონსტრუქციული დიალოგისთვის. სამიტის პროგრამა მდიდარი და მრავალფეროვანი იქნება. დაგეგმილია დისკუსია სხვადასხვა რეგიონსა და საქმიანობის სფეროსთან დაკავშირებულ ძირითად საკითხებზე. კერძოდ, გაიმართება დისკუსია ლათინურ ამერიკაში არსებულ ვითარებაზე არგენტინის პრეზიდენტის, ხავიერ მილეის, ელ სალვადორის პრეზიდენტის, ნაიიბ ბუკელეს და ნიკოლას მადუროს ოპოზიციის წარმომადგენლების მონაწილეობით.

ლოუმ იმედი გამოთქვა, რომ ასეთი ფორმატი ხელს შეუწყობს ეფექტური სტრატეგიების შემუშავებას რეგიონის პრობლემების გადასაჭრელად. განსაკუთრებული ყურადღება დაეთმობა შიდა პოლიტიკურ დიალოგს საქართველოში. ორგანიზატორები გეგმავენ ფორუმის გამართვას ოპოზიციური ჯგუფებისთვის ეროვნული ერთიანობის ხელშეწყობისა და კომპრომისული გადაწყვეტილებების მოსაძებნად…

„საქართველო გახდება მსოფლიოს გლობალური ცენტრი. ეს მშვიდობიანი სამიტი იქნება სრულიად ახალი გზა მშვიდობიანი გადაწყვეტისა და პოზიტიური შედეგების მისაღწევად შეთანხმებებისა და რეზოლუციების სახით! მსგავსი რამ აქამდე არ გვინახავს!”, – წერია კიმბერლი ლოუს განცხადებაში, რომელიც მის სოციალურ ქსელში გამოქვეყნდა.

კიმბერლი ლოუ ასევე აქვეყნებს ნინო კალანდაძესთან მისი საუბრია ვიდეო-ფრაგმენტს. იგი წერს, რომ საქართველოში, იქნება ადგილი, სადაც ლიდერები შეიკრიბებიან დისკურსიისა და რეალური შედეგების მისაღწევად. ქართულო ოპოზიციური ჯგუფები ამ დისკუსიის ნაწილი იქნებიან და თავიანს ხმას გააგონებენ საზოგადოებას,

მისი მრჩეველი და მეგობარი ბესო შენგელია კი ადასტურებს, რომ ქიმბერლი ლოუ 2 კვირის განმავლობაში ნამდვილად იმყოფებოდა მოსკოვსა და ბრიუსელში, ხოლო მათი მიზანია საქართველოში ჩატარდეს ყოველწლიური მსოფლიო მშვიდობის ფორუმი და ამ მიზნის მისახწევად ისინა მზად არიან, საჭიროების შემთხვევაში, ითანამშრომლონ ყველასთან, მათ შორის ბიძინა ივანიშვილთანაც.