19 ნოემბერს ჩინეთის ქალაქ შენჟენში გაიმართა აშშ-ის და რუსეთის პრეზიდენტების, დონალდ ტრამპის და ვლადიმირ პუტინის შეხვედრა. ისინი შენჟენში იმყოფებიან აზია-წყნარი ოკეანის ეკონომიკური თანამშრომლობის სამიტში მონაწილეობის მიზნით.
ამერიკული და რუსული მედიასაშუალებების კორესპონდენტების ცნობით, ტრამპის და პუტინის შეხვედრა დაახლოებით ორმოც წუთს გაგრძელდა. სხვა დეტალები ჯერჯერობით უცნობია.
19 ნოემბერს შენჟენში გაიმართება სამმხრივი შეხვედრაც ჩინეთის, აშშ-ის და რუსეთის პრეზიდენტების მონაწილეობით.
18 ნოემბერს რუსეთის პრეზიდენტი პუტინი შენჟენში შეხვდა ჩინეთის მეთაურ სი ძინპინს.
კრემლის პრესმდივანმა დმიტრი პესკოვმა რუსეთის სახელმწიფო სააგენტო „რია ნოვოსტის" უთხრა, რომ ვლადიმირ პუტინმა და სი ძინპინმა განიხილეს უკრაინის საკითხიც და პუტინმა სი ძინპინს უამბო აშშ-ის პრეზიდენტის სპეციალურ წარმომადგენლებთან, უიტკოფსა და კუშნერთან ბოლო კონტაქტების შესახებ.
radiotavisupleba ახალი ამბები