„ჩუმი“ ინფარქტის სიმპტომები – როგორ ამოვიცნოთ საფრთხე პირველივე ნიშნებიდან

გული ჩვენი ორგანიზმის ერთ-ერთი ყველაზე მნიშვნელოვანი ორგანოა. მის მუშაობას მუდმივი კონტროლი სჭირდება. კუნთების მუშაობაში ნებისმიერმა დარღვევამ შეიძლება გამოიწვიოს ჯანმრთელობის სერიოზული პრობლემები და სიცოცხლისთვის სახიფათოც იყოს. ერთ-ერთი ასეთი მდგომარეობაა ინფარქტი. ხშირად ჩნდება თრომბოზის შედეგად. გიამბობთ, რა შეიძლება იყოს გულის შეტევის სიმპტომები.

გულის შეტევის სიმპტომები: რას მივაქციოთ ყურადღება

„პაპარაცი“ გიზიარებთ მნიშვნელოვან ინფორმაციას, რომელიც ყველამ უნდა იცოდეს. თუ დროულად ამოიცნობთ გულის შეტევის სიმპტომებს, დახმარების აღმოჩენას შეძლებთ. ამრიგად, ვიღაცის ან თქვენი საკუთარი სიცოცხლე გადარჩება. ინფარქტის ნიშნები აუცილებლად დაიმახსოვრეთ, რადგან საკმაოდ ვრცელია. გულის არეში ტკივილის გარდა სხვა სიმპტომებიც არსებობს. თან დამოკიდებულია სქესზე, ასაკზე და სხვა ფაქტორებზე.

გულის შეტევის ადრეული სიმპტომები

რა თქმა უნდა, რაც უფრო ადრე აღმოაჩენთ გულის მუშაობაში დარღვევას და მიმართავთ ექიმს, მით ნაკლებად დაზიანდება კუნთები და სისხლძარღვები. მნიშვნელოვანია, საკუთარ ორგანიზმს მოუსმინოთ და ყველაფერი თვითნებაზე არ მიუშვათ. თუ გულის დაავადებაზე ეჭვი გეპარებათ, თავი დაიზღვიეთ და სპეციალისტს მიმართეთ.

აი, რა ადრეული ნიშნებით შეგიძლიათ ამოიცნოთ ინფარქტი:

• პერიოდული ტკივილი გულმკერდის არეში, რომელიც ხან ჩნდება, ხან ქრება;
• უსიამოვნო ტკივილი ყბის, კისრის, მხრის და ხელის არეში (ძირითადად, მარცხენა მხარეს);
• გულისრევა;
• გაზრდილი ოფლიანობა;
• ქოშინი ფიზიკური აქტივობის მიუხედავად;
• თავბრუსხვევა და სისუსტე;
• ფსიქიკური გამოვლინებები: შფოთვა, გარდაუვალი სიკვდილის განცდა, პანიკა;

ინფარქტი აშკარა ნიშნების გარეშე

„ჩუმი“ ინფარქტი ეწოდება, რადგან აშკარა სიმპტომები არ აქვს. სხვა დაავადებაში ან დაღლილობაში ადვილად შეიძლება აგერიოთ. ვინ იცის, იქნებ, უკვე გადაიტანეთ და ვერ მიხვდით. რა თქმა უნდა, ასეთი ინფარქტი კრიტიკულ მდგომარეობას არ გამოიწვევს, თუმცა ორგანოს ზიანს აყენებს. შედეგად, მოსალოდნელია განმეორება უფრო სერიოზული შეტევით.

აი, რას უნდა მიაქციოთ ყურადღება:

• უსიამოვნო შეგრძნება გულმკერდში, დისკომფორტი კიდურებში და ქვედა ყბაში, რომელიც მოსვენებისას ქრება;
• დაღლილობა და ქოშინი მსუბუქი ფიზიკური აქტივობის დროს;
• დაძინების პრობლემები;
• გულძმარვა, საჭმლის მომნელებელი პრობლემები;
• კანი წებოვანი ხდება;

თუ ეჭვობთ გულის პრობლემებზე, ექიმს აუცილებლად მიმართეთ, რათა ყველაფერი შეამოწმოს. ცოდნა და სხეულისადმი ყურადღების გამოჩენა დაგეხმარებათ შეინარჩუნოთ ჯანმრთელობა, შესაძლოა სიცოცხლეც. გულის შეტევის სიმპტომების ცოდნა ყველასთვის სავალდებულოა. თუმცა გულწრფელად ვიმედოვნებთ, თქვენ და თქვენს ახლობლებს ამის გავლა არ მოგიწევთ. გისურვებთ ჯანმრთელობას!