ძალიან მნიშვნელოვანი კითხვაა, მივუახლოვდით თუ არა ფინალს – სალომე ზურაბიშვილი

“ძალიან მნიშვნელოვანი კითხვაა, მივუახლოვდით თუ არა ფინალს. და თუ ფინალს ვუახლოვდებით, მთავარი პასუხისმგებლობა და მთავარი გამარჯვება უკრაინელი ხალხის იქნება, და ეს არის ის, რაც ყველამ უნდა ვაღიაროთ. უკრაინაში რუსეთის ყველაზე მნიშვნელოვანი მარცხი არა ტერიტორიული, არამედ ფსიქოლოგიურია. დაშვება იმის შესახებ, რომ სწრაფი, გადამწყვეტი გამარჯვება რუსეთის დომინირებას განამტკიცებდა, ჩავარდა. უკრაინის არაჩვეულებრივმა წინააღმდეგობამ გამოააშკარავა ყველა ის სისტემური ჩავარდნა რუსულ არმიაში, რომელთა დამალვასაც მოსკოვი ათწლეულების განმავლობაში ცდილობდა, თუმცა არა მხოლოდ არმიაში.
მიუხედავად იმისა, რომ რუსეთის სამხედრო უძლეველობის ეს მითი დაიმსხვრა, ეს არ ნიშნავს, რომ რუსეთი თანახმაა უბრალოდ აქ გაჩერდეს; ის პარალელურად აწარმოებს სხვა ომს, ჰიბრიდულ ომს, სადაც საქართველო საცდელი მოდელია.
ის, რაც უკრაინას, საქართველოსა და მოლდოვას აერთიანებს, არის საკითხი იმის შესახებ, აქვთ თუ არა რუსეთის მეზობელ ქვეყნებს სუვერენული უფლება, თავად აირჩიონ საკუთარი მომავალი, და დაიცავს თუ არა საერთაშორისო თანამეგობრობა ამ უფლებას პრაქტიკაში და არა მხოლოდ პრინციპების დონეზე.
რუსეთის დასუსტების მოლოდინში ყოფნა არ არის სტრატეგია, მაგრამ ამ დასუსტების პირობების ფორმირება არის სტრატეგია, და ეს უნდა გახდეს დასავლეთის შემდეგი სტრატეგია. გადამწყვეტობა და არა ყოყმანი – აი, რა არის მომავალი, რათა ნამდვილად მივიდეთ ფინალამდე” – თქვა სალომე ზურაბიშვილმა ოდესაში, შავი ზღვის უსაფრთხოების ფორუმზე სიტყვით გამოსვისას. ნაკლების ჩვენება