წულუკიანის კომისიაში გამოუცხადებლობისთვის ნიკა მელიას რვა თვით თავისუფლების აღკვეთა მიესაჯა

თბილისის საქალაქო სასამართლოს მოსამართლემ ნინო გალუსტაშვილმა 27 ივნისს ოპოზიციური პარტია „ახალის“ ერთ-ერთ ლიდერს ნიკა მელიას რვა თვით თავისუფლების აღკვეთა შეუფარდა წულუკიანის კომისიაში გამოუცხადებლობის გამო. მას ასევე ორი წლით აეკრძალა საჯარო სამსახურში თანამდებობის დაკავება.

ამასთან, მოსამართლე გალუსტაშვილმა მელიას დამატებით 25 000 ლარის ჯარიმა დააკისრა, რითაც ძალაში დატოვა თბილისის საქალაქო სასამართლოს 2019 წლის გადაწყვეტილება „ქართუ ბანკის“ გაკოტრების საქმეზე, სადაც მელია უფლებამოსილების ბოროტად გამოყენებისთვის ცნეს დამნაშავედ. მას შემდეგ მას ჯარიმა არ გადაუხდია.

ნიკა მელია, რომელიც წულუკიანის კომისიაში გამოუცხადებლობისთვის დაკისრებული გირაოს გადაუხდელობის გამო წინასწარ პატიმრობაში იმყოფება, საბოლოო განაჩენის გამოცხადებას არ დაესწრო.

This post is also available in: English