“ხაზარაძე-გახარიას ტანდემმა საარჩევნო კამპანია ტყუილით დაიწყო” – ზაალ ანჯაფარიძე

თბილისის მერობის კანდიდატად “ლელო – ძლიერი საქართველოს” გენერალური მდივნის, ირაკლი კუპრაძის დასახელებას კონკრეტული ფაქტის შეხსენებით და მძიმე შეფასებებით ეხმიანება ანალიტიკოსი ზაალ ანჯაფარიძე:

“ხაზარაძე-გახარიას ტანდემმა საარჩევნო კამპანია ტყუილით დაიწყო. მათი თანამშრომლობის მემორანდუმი თბილისის მერობის კანდიდატად ნეიტრალურ და უპარტიო პერსონის დასახელებას ითვალისწინებდა. თუმცა “დიმიტრი გელოვანის” მოძებნა გაჭირდა. ეტყობა არცერთმა ღირსეულმა და ცნობადმა თბილისელმა არ მოისურვა საკუთარი სახელი, იმიჯი, პატივი და ღირსება თაღლითებთან კავშირით შეელახა. სწორადაც მოიქცნენ.

შესაბამისად, იძულებული გახდნენ პარტიული კანდიდატი დაესახელებინათ, და აქ რა თქმა უნდა გადამწყვეტი როლი ხაზარაძე-ჯაფარიძის ფინანსებმა და რესურსებმა შეასრულა.

ირაკლი კუპრაძის და ალეკო ელისაშვილის კანდიდატურების განხილვაც კი არ ღირს, იმდენად განწირულნი არიან მარცხისათვის“, – წერს ფეისბუქის პირად გვერდზე ზაალ ანჯაფარიძე.