“სტრატეგია აღმაშენებელი”, პარტიის ერთ-ერთ ლიდერ, პაატა მანჯგალაძესთან მიმართებით, საკონსტიტუციო სასამართლოში გაჟღერებულ კონკრეტულ ბრალდებებს, მწვავე განცხადებით და განმარტებებით ეხმაურება:
“🔴 ვეხმიანებით საკონსტიტუციო სასამართლოში გაჟღერებულ სრულიად მცდარ, უსაფუძვლო და ცილისმწამებლურ ბრალდებებს და ხაზგასმით პასუხისმგებლობით ვაცხადებთ, რომ პაატა მანჯგალაძე არ ყოფილა 4 ოქტომბრის აქციის ორგანიზატორი!
ეს მანიპულაციური ნარატივი სცილდება ყოველგვარ სამართლებრივ ჩარჩოს და რეალობას. მსგავსი ყალბი მტკიცებების გავრცელება ემსახურება ერთადერთ მიზანს – საზოგადოების შეცდომაში შეყვანას, პოლიტიკური პატიმრის ხელოვნურ დისკრედიტაციას და იმ უსამართლო პროცესების გამართლებას, რომელიც მის წინააღმდეგ ხორციელდება.
მიუღებელია, როდესაც სასამართლო სივრცე გამოიყენება პოლიტიკური სპეკულაციებისა და სიცრუის ტირაჟირებისთვის“, – ნათქვამია გავრცელებულ განცხადებაში.
paraleli პოლიტიკა