ხვიჩას მოულოდნელი ვიზიტი რომში - ხვიჩას მომავალი კლუბის წარმომადგენლებს შეხვდა

ხვიჩა კვარაცხელია გუშინ მეუღლესთან ერთად რომში იმყოფებოდა და ადგილობრივი დროით დაახლოებით 20:00 საათზე ნეაპოლში მატარებლით დაბრუნდა.

გამოცემა Areanapoli ვარაუდობს, რომ ქართველი ფეხბურთელის მოულოდნელი მოგზაურობის მიზეზი მისი პსჟ-ში შესაძლო ტრანსფერია და ხვიჩა ნეაპოლისგან მოშორებით ფრანგული კლუბის წარმომადგენლებს შეხვდა, სადაც ტრანსფერის დეტალები განიხილა.

ქალაქში დაბრუნებული კვარა კი ტაქსის მძღოლმა "გამოიჭირა" და მასთან სამახსოვრო ფოტოც გადაიღო - გამოცემა იმასაც აღნიშნავს, რომ ხვიჩა აღელვებული იყო და ცდილობდა ყურადღება არ მიექცია, რაც მისი იმიჯითაც იგრძნობოდა.

შეგახსენებთ, ნაპოლი პრეზიდენტი ხვიჩა კვარაცხელიას სანაცვლოდ 80-90 მილიონ ევროს ითხოვს, თუმცა პსჟ დე ლაურენტისს 2 ვარიანტს სთავაზობს 45 მილიონი + კოლო მუანი, ან 60 მილიონი + მილან შკრინიანი, თუმცა აქედან არცერთი ვარიანტი ნაპოლისთვის მიმზიდველი არ აღმოცნდა.

მოლაპარაკებები გრძელდება...