,, ხომ საინტერესოა, რატომ უთხრა ქრისტიანმა მღვდელმა გაბრაზებულ ხალხს: შვილები რომ მოგიკვდებათ, ვინ უნდა აუგოს წესიო?!” – ლელა ჯეჯელავა

ანალიტიკოსი ლელა ჯეჯელავა:

,,ისე ხომ საინტერესოა, რატომ უთხრა ქრისტიანმა მღვდელმა გაბრაზებულ ხალხს: შვილები რომ მოგიკვდებათ( გარდაგეცვლებათ კი არა, მოგიკვდებათო ) ვინ უნდა აუგოს წესიო და არ უთხრა, ახლობელი რომ გარდაგეცვლებათო. ახლობელი შეიძლება იყოს მშობელი, საყვარელი ადამიანი, მეუღლე, მეგობარი და ყველა ვინც ძვირფასია ადამიანისთვის. არა, ყველაზე დიდი სიმწარე შვილია და მის ტვინს უკვე ნაფიქრი აქვს, რომ მტერს (ანუ ჩვენ) აუცილებლად შვილი უნდა მოუკვდეს, ეს უნდა იყოს ღვთის სასჯელი, მაგრამ მარტო ღვთის სასჯელიც არ არის საკმარისი, ისიც განცდილი აქვს უკვე ამ უსათნოესს, როგორ ევედრება ღვთისგან დასჯილი სასოწარკვეთილი ” მტერი” შვილისთვის წესის აგებას ერთადერთ ნუგეშად და ის როგორ ეუბნება უარს, რომ ბოლომდე გაუსწორდეს. ამით ცოცხლობს ეს კაცი და თქვენ კიდევ ჩვენთან რატომ არ დგახარო?. ხომ არ გადაირიეთ, ხალხო? ქრისტიანები არ ხართ? რატომ უნდა იდგეს , რად გინდათ, რას ელით მისგან ან რატომ ელით?”