6 hours ago
5
ისრაელის, გაერთიანებული სამეფოს, იტალიის, სომხეთისა და თურქეთის ელჩები 11 ივნისს საქართველოს პატრიარქ შიო III-ს შეხვდნენ. თითოეულ ელჩთან „გაცნობითი შეხვედრები“ საქართველოს საპატრიარქოში გაიმართა.
დიპლომატებს შორის იყვნენ ისრაელის ელჩი ვალიდ აბუ ჰაია, დიდი ბრიტანეთის ელჩი გარეთ უორდი, იტალიის ელჩი მასიმილიანო დ’ანტუონო, სომხეთის ელჩი აშოტ სმბატიანი და თურქეთის ელჩი მუსტაფა თურქერ არი.
„მათ კიდევ ერთხელ გამოთქვეს სამძიმარი სრულიად საქართველოს კათოლიკოს-პატრიარქის გარდაცვალების გამო და ასევე მიულოცეს შიო III-ს გამორჩევა საქართველოს კათოლიკოს-პატრიარქად“, – განაცხადა დეკანოზმა ანდრია ჯაღმაიძემ, საქართველოს მართლმადიდებლური ეკლესიის საზოგადოებასთან ურთიერთობის სამსახურის ხელმძღვანელმა, რომელიც ასევე ესწრებოდა შეხვედრებს.
„საუბარი თითოეულ ელჩთან შედგა მეგობრული, ხაზი გაესვა ჩვენს ქვეყნებს შორის მეგობრობას და ჩვენი ემიგრანტებისადმი ამ ქვეყნებში თბილ დამოკიდებულებას ამ სახელმწიფოების მხრიდან“, – დასძინა მან.
„საუბარი ასევე შეეხო იმ საყოველთაო პრობლემებს, რომლებიც დღეს მსოფლიოში თითქმის ყველა ქვეყანას აწუხებს. ეს არის ტრადიციული ფასეულობების მოფრთხილება, ეს არის ოჯახის კულტურასთან დაკავშირებული პრობლემები. ასევე საუბარი შეეხო იმ გლობალურ პრობლემებს, რომლებიც დაკავშირებული მიმდინარე ომებთან, რომლებიც საფრთხეს უქმნის ყველა ქვეყნის მშვიდობიან თანაცხოვრებას“, – განაცხადა მან.
This post is also available in:
English (US) · 
Georgian (GE) ·