ჰერჩინსკი: წევრი სახელმწიფოების უმრავლესობა საქართველოსთვის უვიზო რეჟიმის შეჩერების წინააღმდეგია

ევროკავშირის წევრი სახელმწიფოების უმრავლესობა ამჟამად ეწინააღმდეგება ქართველებისთვის უვიზო მიმოსვლის შეჩერებას, განუცხადა ჟურნალისტებს ევროკავშირის ელჩმა საქართველოში, პაველ ჰერჩინსკიმ მას შემდეგ, რაც წინა დღეს პოლონეთის პრემიერ-მინისტრმა დონალდ ტუსკმა აღნიშნა, რომ მისი მთავრობა მუშაობს ევროკავშირში მხარდაჭერის მოსაპოვებლად საქართველოსთვის უვიზო მიმოსვლის შეჩერების ან შეზღუდვის მიზნით.

„მე ვიტყოდი, რომ წევრი სახელმწიფოების უმრავლესობა ამის წინააღმდეგია ძალიან მარტივი მიზეზის გამო: ჩვენ არ გვინდა, რომ რიგითმა მოქალაქეებმა იზარალონ იმ გადაწყვეტილებების, ქმედებებისა და კანონმდებლობის გამო, რომელიც საქართველოს ხელისუფლებამ მიიღო“, – განაცხადა მან.

ტუსკის განცხადებას „ქართული ოცნების“ პრემიერ-მინისტრი ირაკლი კობახიძე გამოეხმაურა და მას „მუქარა“ და „შანტაჟი“ უწოდა.

This post is also available in: English