ჰოროსკოპი 1–7 დეკემბერი, 2025 – კვირის ასტროლოგიური პროგნოზი ზოდიაქოს ნიშნებისთვის

ეს კვირა პრიორიტეტების გადაფასების ატმოსფეროს ქმნის. ბევრი იგრძნობს საჭიროებას, რომ ცხოვრებისეული გზა შინაგან მისწრაფებებს შეუსაბამოს, განსაკუთრებით პროფესიულ სფეროში. ეს ხელსაყრელი დროა ახალი უნარების შეძენისა და მნიშვნელოვანი კარიერული წინსვლისთვის, ასევე, გრძელვადიანი პროცესების დასასრულებლად და შედეგების შესაჯამებლად. გასული პერიოდის განმავლობაში თქვენი ქმედებების ანალიზი მოულოდნელ სიცხადეს მოიტანს და მომავალი მიღწევებისთვის მკაფიო სურათის შექმნას შეუწყობს ხელს. შემოქმედებითი აღმავლობა და ცვლილებების მიღების სურვილი თქვენს ცხოვრებაში ახალი ეტაპის საფუძვლის ჩაყრაში დაგეხმარებათ.

ახლობლებთან ურთიერთობა განსაკუთრებულ მგრძნობელობასა და დიალოგში ჩართვის სურვილს მოითხოვს. თქვენი შინაგანი მდგომარეობა პირდაპირ გავლენას მოახდენს თქვენს ოჯახურ გარემოზე. თუ გამოცდილ ადამიანებს მოუსმენთ, შეგიძლიათ თავიდან აიცილოთ მრავალი შეცდომა. მათი რჩევები დაგეხმარებათ, შეამჩნიოთ მნიშვნელოვანი დეტალები, რომლებიც ადრე ყურადღების მიღმა დაგრჩათ. ამ კვირაში თავი შეიკავეთ ნაჩქარევი ფინანსური გადაწყვეტილებების მიღებისგან, განსაკუთრებით მაშინ, როდესაც საქმე სოლიდურ შესყიდვებს ან ძვირფასი ქონების განკარგვას ეხება. იმპულსური ქმედებების ნაცვლად, დაუთმეთ დრო სიტუაციის ყურადღებით გაანალიზებას – ეს საშუალებას მოგცემთ დაზოგოთ რესურსები და ინფორმირებული, კარგად გააზრებული გადაწყვეტილება მიიღოთ.

ვერძი

ამ კვირაში იდეებისა და გეგმების ნაკლებობა არ გექნებათ, მაგრამ უმჯობესია, ყურადღებით გააანალიზოთ, სანამ განახორციელებთ. ყურადღება მიაქციეთ დეტალებს, რათა მომგებიანი შესაძლებლობები ხელიდან არ გაუშვათ. ეს კვირა ძალიან დატვირთული იქნება პოტენციური ახალი ნაცნობობით, შეხვედრებით, მოგზაურობებითა და ინფორმაციის მოზღვავებით. ნუ ეცდებით ყველაფერში მონაწილეობას და ყველა შესაძლებლობის ერთდროულად გამოიყენებას. გამოიჩინეთ თავშეკავება და მოთმინება. ასე შეძლებთ დიპლომატიური მიდგომის პოვნას და უსიამოვნებების თავიდან აცილებას.

შაბათ-კვირას ეცადეთ, მეტი ემპათია გამოიჩინოთ საყვარელი ადამიანების მიმართ.

სასიკეთო დღეები: 3, 6.

არასასიკეთო დღე: 1.

კურო

ამ კვირაში საჭიროა ყველაფერზე კარგად დაფიქრდეთ და სერიოზულად მოემზადოთ გადამწყვეტი ნაბიჯისთვის. გადახედეთ ძველ შეცდომებს, გააანალიზეთ ისინი და გამოიტანეთ დასკვნები. კოლეგებთან ურთიერთობაში შეეცადეთ, თავი აარიდოთ ზედმეტ პირდაპირობას, რათა დაძაბულობა არ შექმნათ. შეეცადეთ, მოთოკოთ თქვენი სიამაყე, მოუსმინოთ თქვენი მენეჯმენტის მოთხოვნებს და საქმეები გამოსწორდება. თამამი ექსპერიმენტები არასასურველია, უმჯობესია დადასტურებულ მეთოდებს მიჰყვეთ. ასევე, მნიშვნელოვანია ისწავლოთ ვადების დაცვა, არ გადადოთ საქმეები.

შაბათ-კვირას ოჯახის წევრებთან ურთიერთობა შეიძლება რთული იყოს, ყველაფერზე კარგად დაფიქრდით.

სასიკეთო დღეები: 4, 5.

არასასიკეთო დღე: 3.

ტყუპი

ამ კვირაში სიმსუბუქის შეგრძნებას დაგეუფლებათ და ბევრი რამ, რაც გაღიზიანებთ, უმნიშვნელო გახდება. ახლა ხელსაყრელი დროა აქტიური არაფორმალური კომუნიკაციისთვის. თქვენს ცხოვრებაში უხვად იქნება ვნება და რომანტიკა. დარწმუნდებით, რომ თქვენი გრძნობა ორმხრივია. სამსახურში ნუ მიიღებთ ნაჩქარევ გადაწყვეტილებებს, კონცენტრირდით და შეაფასეთ არსებული სიტუაცია, სანამ მოქმედებას დაიწყებთ. ახალი ნაცნობები, მნიშვნელოვანი შეხვედრები და ინფორმაციის ნაკადები – მოვლენების ნამდვილ მორევში აღმოჩნდებით. გამოიყენეთ ეს დრო ქსელური ურთიერთობებისა და იდეების გაცვლისთვის.

შაბათ-კვირას გაახარეთ თქვენი საყვარელი ადამიანები ზრუნვითა და ყურადღებით. მოახლოებული დღესასწაულის განცდა ხელს შეუწყობს თქვენს კარგ განწყობას.

სასიკეთო დღეები: 2, 6.

არასასიკეთო დღე: 5.

კირჩხიბი

ამ კვირაში ჩვეულებრივზე უფრო ენერგიული და აქტიური იქნებით. თქვენი საერთო ენერგია და განწყობა გაუმჯობესდება. სამშაბათს შესაძლოა ყველაფერი ისე არ წავიდეს, როგორც დაგეგმილი იყო, ამიტომ უნდა გაიგოთ, რა გამოგრჩათ რამდენიმე დღით ადრე, რას არ მიაქციეთ ყურადღება. ამ შეცდომების გამოსწორებით წარმატებას მიაღწევთ. სამსახურში ფრთხილად იყავით კონფიდენციალურ ინფორმაციასთან და მოერიდეთ დაუდასტურებელ ამბებს. შესაძლებელია თქვენი ფინანსური კეთილდღეობის უეცარი გაუმჯობესება.

შაბათს ახლობელი ადამიანის დროული რჩევა დაგეხმარებათ ჩიხიდან გამოსავლის პოვნაში. კვირას ეცადეთ, დასვენებისთვის საკმარისი დრო გამონახოთ.

სასიკეთო დღეები: 1, 4.

არასასიკეთო დღე: 2.

ლომი

სამსახური ამ კვირაში ერთ-ერთი ყველაზე მნიშვნელოვანი ასპარეზია. თქვენი ოჯახის განწყობა და ფინანსური კეთილდღეობა შეიძლება თქვენი შრომის შედეგებზე იყოს დამოკიდებული. ზოგიერთი გეგმა უნდა შეიცვალოს და ცხოვრება მათ თავისებურად შეცვლის. შესაძლებელია მოულოდნელი, ხანგრძლივი მოგზაურობის დაგეგმვა მოგიხდეთ. არსებობს შანსი, დაამყაროთ ძალიან სასარგებლო საქმიანი კავშირები, რაც დადებითად იმოქმედებს თქვენს სოციალურ სტატუსზე. ეცადეთ, რჩევები შეუმჩნევლად, ამბიციის გამოვლენის გარეშე მისცეთ, რის შემდეგაც თქვენს აზრს დააფასებენ და გაითვალისწინებენ.

შაბათ-კვირა კარგი პერიოდია ოჯახური პრობლემების გადასაჭრელად და ურთიერთობების გასაუმჯობესებლად.

სასიკეთო დღეები: 3, 7.

არასასიკეთო დღე: 6.

ქალწული

ეს კვირა ყოველმხრივ ხელსაყრელი პერიოდი იქნება, რა თქმა უნდა, თუ შრომისმოყვარეობას გამოიჩენთ, თუმცა სიზარმაცის საშუალება არც მოგეცემათ. ეს კვირა კარგია თქვენი მიღწევების შეჯამებისთვის და საჩუქრების შესაძენად. თქვენი ფანტაზია, სავარაუდოდ, დიდი იქნება, თუმცა შესაძლებელია იმედგაცრუება ახლობელი ადამიანის გამო. ეცადეთ, კონცენტრირდეთ და დაასრულოთ წლისთვის დაგეგმილი ძირითადი ამოცანები და მნიშვნელოვანი პროექტები. მოსალოდნელია საინტერესო ღონისძიებაზე მიწვევა, სადაც მნიშვნელოვანი შეხვედრა გელოდებათ – არ გაუშვათ ხელიდან ეს შესაძლებლობა.

შაბათ-კვირას გაზარდეთ ფიზიკური აქტივობა, დრო გამონახეთ სათანადო აქტიური დასვენებისთვის.

სასიკეთო დღეები: 4, 7.

არასასიკეთო დღე: 1.

სასწორი

ამ კვირაში თქვენი მომხიბვლელობის სრულ ძალას იგრძნობთ და შესაძლოა ახალი რომანი დაიწყოს. თქვენი დიპლომატია უფრო მოთხოვნადი იქნება, ვიდრე ოდესმე. თავდაპირველად თქვენი წინადადება კოლეგებს შეიძლება სარისკოდ მოეჩვენოთ, მაგრამ ეს რთული სიტუაციის დაძლევის ერთადერთი გზა იქნება. ხუთშაბათს მოერიდეთ ზედმეტი პროფესიული ვალდებულების აღებას, რადგან ის შეიძლება აუტანელ ტვირთად იქცეს.

შაბათ-კვირას დაივიწყეთ სამსახური, ნუ იტყვით უარს მეგობრებისგან წვეულებაზე მიწვევაზე, ან ისეირნეთ საყვარელ ადამიანთან ერთად.

სასიკეთო დღეები: 5, 6.

არასასიკეთო დღე: 2.

მორიელი

ამ კვირაში შესაძლებლობა გექნებათ, წინ წახვიდეთ კარიერულ კიბეზე და დიდ წარმატებას მიაღწიოთ სამსახურსა და შემოქმედებით საქმიანობაში, თუმცა ჯერ ნუ იჩქარებთ საქმეებს დასრულებას. ნუ ეცდებით ყველაფრის გაკეთებას, რეალისტურად შეაფასეთ თქვენი შესაძლებლობები. ვარსკვლავები გირჩევენ, პირად ურთიერთობებში თავი აარიდოთ მანიპულაციას და უაღრესად გულწრფელი იყოთ.

ეს შაბათ-კვირა კარგი დრო იქნება აურზაურისგან დასასვენებლად და ზამთრის ტყის სიმშვიდით დასატკბობად.

სასიკეთო დღეები: 4, 6.

არასასიკეთო დღე: 1.

მშვილდოსანი

სამსახურში საქმეები შესაძლოა მოულოდნელზე კარგად წარიმართოს, განსაკუთრებით კარიერულ საკითხებში. განაახლეთ ძველ მეგობრებთან ურთიერთობა, ​​ძველი კავშირების განახლება შეიძლება ძალიან სასარგებლო იყოს, ამიტომ არ დაგავიწყდეთ მათი სტუმრად მოწვევა. სამშაბათი და ოთხშაბათი თქვენთვის საუკეთესო დღეებია. ხუთშაბათს შესაძლოა გადაწყვეტილებების მიღებისას სწრაფი რეაგირება მოგიწიოთ. მოუსმინეთ თქვენს ინტუიციას და ის იმედებს არ გაგიცრუებთ. შეეცადეთ, აღადგინოთ კარგი ურთიერთობა კოლეგებთან.

შაბათ-კვირა კარგი დროა ოჯახურ ურთიერთობებში პასუხისმგებლობების გადასანაწილებლად.

სასიკეთო დღეები: 2, 3.

არასასიკეთო დღე: 5

თხის რქა

ამ კვირაში შესაძლოა საქმიან პარტნიორებთან მოულოდნელი პრობლემები წარმოიშვას. მეორე მხრივ, შეგიძლიათ ურთიერთობებში ურთიერთგაგების იმედი გქონდეთ, თუ სწორად მოიქცევით. შეძლებთ თქვენი ნიჭისა და საქმიანი გამჭრიახობის დემონსტრირებას. გარემოებებს თუ ვერ შეცვლით, შეეცადეთ, მათ მიმართ დამოკიდებულება შეცვალოთ. იცხოვრეთ თქვენივე აზრით და ნუ მისცემთ ჭორებს უფლებას, რომ სიმშვიდე დაგირღვიოთ, უბრალოდ, უაზრო მითქმა-მოთქმის იგნორირება მოახდინეთ. ფინანსურ საკითხებში იყავით წინდახედული და მოერიდეთ სარისკო ინვესტიციებს.

ამ შაბათ-კვირას გამოხატეთ ემოციები, მაგრამ ნუ მისცემთ თქვენს სურვილებს უფლებას, რომ თქვენს ქცევაზე ზეგავლენა მოახდინონ. შესაძლებელია მოულოდნელი თავგადასავლები და საღი აზრი ძალიან სასარგებლო იქნება.

სასიკეთო დღეები: 2, 4.

არასასიკეთო დღე: 3.

მერწყული

ამ კვირაში საოცარი გამძლეობა დაგჭირდებათ, რათა დარწმუნდეთ, რომ სიამაყე ცხოვრებაში ხელს არ შეგიშლით. ეცადეთ, ფინანსებისა და ბიზნესისადმი თქვენი ლტოლვა შეამციროთ. თქვენი ინერტულობა და კონსერვატიზმი შეიძლება მნიშვნელოვან დაბრკოლებად იქცეს დიდი მიღწევებისკენ მიმავალ გზაზე. დიპლომატიური მიდგომა ახლა ძალიან კარგ სამსახურს გაგიწევთ. გააერთიანეთ ადამიანები თქვენი იდეების გარშემო, გუნდური მუშაობა წარმოუდგენელ ნაყოფს გამოიღებს. ვარსკვლავებმა პირად ცხოვრებაში შეიძლება მოულოდნელი, მაგრამ ძალიან სასიამოვნო შემობრუნებები შემოგთავაზოთ – გახსენით გული ახალი გამოცდილებისთვის!

ამ შაბათ-კვირას შეეცადეთ, მშვიდ გარემოში დაისვენოთ, იფიქრეთ გრძელვადიან გეგმებზე.

სასიკეთო დღეები: 2, 6.

არასასიკეთო დღე: 5.

თევზები

ამ კვირაში თქვენი შთამბეჭდავი სიმაღლეებიდან ერთი ნაბიჯით მაინც უნდა დაეშვათ. რაც უფრო მიუახლოვდებით მიწიერ საკითხებს, მით უფრო მეტია წარმატების შანსი რეალობაში და არა წარმოსახვაში. ყურადღება კარიერულ ზრდასა და გრძელვადიან გეგმებზე გაამახვილეთ. კონცენტრირდით თქვენს ამბიციებსა და მიზნებზე, შეიმუშავეთ სტრატეგია და ეტაპობრივად იმოქმედეთ მათ მისაღწევად. ნუ მოერიდებით კომუნიკაციას, ნებისმიერი კონტაქტი სასარგებლო იქნება თქვენთვის. ეცადეთ, ურთიერთობებში კეთილგანწყობილი და გულითადი იყოთ. მოერიდეთ ნაჩქარევი გადაწყვეტილებების მიღებას.

შაბათ-კვირას ნებისმიერ საკამათო თემას თავი აარიდეთ და მხოლოდ განტვირთვაზე იფიქრეთ.

სასიკეთო დღეები: 4, 7.

არასასიკეთო დღე: 5.

თამთა გურული