ჰოროსკოპი: კვირის ასტროლოგიური პროგნოზი ზოდიაქოს ნიშნებისთვის, 8-14 აპრილი  

ეს კვირა მრავალი სასიამოვნო სიურპრიზით გაგახარებთ. დიდია ალბათობა იმისა, რომ ბევრი ახალი ნაცნობობა გაალამაზებს თქვენს ცხოვრებას და ახალი მნიშვნელოვანი შტრიხებით შეავსებს. თუ მარტოხელა ხართ, შესაძლოა სამუდამოდ მოიშოროთ ეს სტატუსი. ვარსკვლავები განსაკუთრებით ინიციატივიან, რისკიან ადამიანებს სწყალობენ და ურჩევენ, რომ არ გადადონ გეგმები სამომავლოდ. მხარდაჭერას მოიპოვებენ ნებისმიერი ზოდიაქოს წარმომადგენლები, რომლებსაც თავიანთი სიმართლის და პროფესიონალიზმის მტკიცედ სჯერათ. კარგი პერიოდია თვითგანათლებისთვის.  

ვერძი

ამ კვირაში შეეცადეთ, თავიდან აიცილოთ კონფლიქტები, კამათი და დისკუსიებიც კი, რადგან ამან შეიძლება სტრესი გამოიწვიოს. არ დაიზაროთ, იმუშავეთ და კარიერული წინსვლის შესანიშნავი შესაძლებლობა გექნებათ. თქვენი თანდაყოლილი ოპტიმიზმი და თავდაჯერებულობა საკმარისი უნდა იყოს იმისთვის, რომ არ შეუშინდეთ დაბრკოლებებს, რომლებიც შეგხვდებათ და დიდი უსიამოვნების გარეშე გადალახოთ. კვირის შუა რიცხვებში შესაძლოა არჩევანის გაკეთების აუცილებლობის წინაშე აღმოჩნდეთ – იმოქმედეთ მშვიდად, გააზრებულად და აუჩქარებლად. დიპლომატია და წინდახედულობა თქვენი მეგობრებია, ამპარტავნება და თავშეუკავებლობა კი – მტერი. შაბათ-კვირას გადით ბუნებაში ან დრო მეგობრებთან ერთად გაატარეთ და არ იფიქროთ პრობლემებზე, უბრალოდ, გაერთეთ და განიტვირთეთ!

სასიკეთო დღეები: 9, 11.

არასასიკეთო დღე: 13.

კურო

ამ კვირაში ქვეცნობიერად მზად ხართ ბრძოლისა და ძალისმიერი ქმედებებისთვის. შეგნებულად უნდა შეცვალოთ სტრატეგიაც და ტაქტიკაც და არ დანებდეთ იმპულსებს. იმოქმედეთ უფრო მშვიდად, იყავით უფრო კეთილი, შეცვალეთ თქვენი რისხვა წყალობით და ეს როგორც თქვენთვის, ისე გარშემო მყოფებისთვისაც საუკეთესო იქნება. თუ თავაზიანობისა და კეთილშობილების მკაცრ საზღვრებს შეინარჩუნებთ, შეიძლება მოულოდნელად დაგაწინაურონ ან  სხვა  არანაკლებ სასიამოვნო ბედის საჩუქარი მიიღოთ. ვარსკვლავების გავლენის გამო, სავარაუდოდ, ძალიან დატვირთული იქნებით მნიშვნელოვანი საკითხებით და შეიძლება გაგიჭირდეთ სახლში ყოფითი პრობლემების მოგვარება.

სასიკეთო დღეები: 8, 13.

არასასიკეთო დღე: 10.

ტყუპი

ამ კვირაში თქვენი სერიოზული და კეთილსინდისიერი დამოკიდებულება სამუშაოსადმი შეუმჩნეველი არ დარჩება. შესაძლოა ძალიან საინტერესო და სერიოზული შეთავაზება მიიღოთ, რომელიც თქვენს შემოსავალს საკმაოდ გაზრდის. ხელსაყრელი მომენტი დგება კონკრეტული ქმედებებისთვის, საპასუხისმგებლო ნაბიჯებისა და სხვა მნიშვნელოვანი წამოწყებისთვის. სირთულეებს, რომლებსაც ბოლო რამდენიმე კვირის განმავლობაში აწყდებოდით, ვარსკვლავების გავლენების წყალობით გადალახავთ. მათ, ვისაც საკუთარი ბიზნესის დაწყება გსურთ და მხოლოდ შესაფერის მომენტს ელოდით, შეგიძლიათ თავდაჯერებულად წახვიდეთ წინ. პოზიტიურ ცვლილებებს უნდა ელოდოთ პირად ცხოვრებაშიც.

სასიკეთო დღეები: 10, 14.

არასასიკეთო დღე: 8.

კირჩხიბი

ამ კვირაში მნიშვნელოვანი და გადაუდებელი საკითხების გადაწყვეტაზე უნდა იყოთ კონცენტრირებული. შეეცადეთ, ძვირფასი ენერგია უშედეგოდ არ დახარჯოთ.  რა თქმა უნდა, ძლიერი ხართ, მაგრამ კარიერის კიბეზე ასვლაში დახმარება დაგჭირდებათ. მოგიწევთ მთელი თქვენი შემოქმედებითი რესურსის გამოყენება, რათა გარშემო მყოფებზე კარგი შთაბეჭდილება მოახდინოთ. შეიძლება იყოს პრობლემები პარტნიორების მხრიდან, მაგრამ საბოლოოდ ყველაფერი კარგად ჩაივლის, თუ სიმართლე თქვენს მხარეზე იქნება. თქვენი პროფესიული მიღწევები არავის მისცემს მიზეზს, რომ თქვენ მიმართ უკმაყოფილება გამოხატოს. პირად ცხოვრებაში კი შეიძლება არასასიამოვნო სიტუაციები შეგხვდეთ.  სერიოზულად უნდა იფიქროთ შვებულებაზე.

სასიკეთო დღეები: 9, 10.

არასასიკეთო დღე: 12.

ლომი

ამ კვირაში არაერთი ღონისძიება და შეხვედრა გელით. ფრთხილად იყავით ენერგიისა და დროის განაწილებისას. ისინი დაგჭირდებათ არა მხოლოდ სამსახურში, არამედ სახლშიც. ორშაბათს და ოთხშაბათს სავარაუდოა გაუგებრობები და კონფლიქტები, რადგან თქვენი ინტერესები შეიძლება გარკვეულწილად განსხვავდებოდეს თქვენი პარტნიორების ინტერესებისგან. საღი აზრის გამოვლენით მათთან კომპრომისს მიაღწევთ. შეწყვიტეთ უაზრო დაპირებების გაცემა, რადგან ამან შეიძლება ზიანი მოგაყენოთ გრძელვადიან პერსპექტივაში.  კვირას მოემზადეთ ახლობლებთან ხანგრძლივი საუბრისთვის. იმისათვის, რომ ოჯახური ატმოსფერო არ შეირყეს,  კომპრომისზე უნდა წახვიდეთ და ისწავლოთ საკუთარ თავზე მუშაობა. აკონტროლეთ  ალკოჰოლის მოხმარება.

სასიკეთო დღეები: 11. 13.

არასასიკეთო დღე: 12.

ქალწული

ეს კვირა შეიძლება  წარმატებული იყოს სამუშაო და ფინანსური კუთხით, თქვენ უბრალოდ მცირე შეცდომები უნდა გაასწოროთ და ძალიან ხელშესახებ  მატერიალურ სარგებელს მიიღებთ. ასევე შეეცადეთ მაქსიმალურად გამოიყენოთ თქვენი შემოქმედებითი შესაძლებლობები, უბრალოდ, ზედმეტად არ გადაიღალოთ. ხუთშაბათს დაასრულეთ დაუმთავრებელი საქმეები. პარასკევს მეგობრების დროული რჩევები დაგეხმარებათ იპოვოთ საუკეთესო გზა პრობლემის გადასაჭრელად, რომელიც დიდი ხანია გაწუხებთ. მოერიდეთ ყოველგვარ კონფლიქტს და ჩხუბს. იყავით მომთმენი გარშემო მყოფებთან ურთიერთობისას და არ ჩათვალოთ თქვენი აზრი საბოლოო ჭეშმარიტებად. შეეცადეთ უარი არ თქვათ ნათესავების თხოვნაზე.

სასიკეთო დღეები: 8, 12.

არასასიკეთო დღე: 9.

სასწორი

რიგი ვარსკვლავების პოზიცია იმაზე მეტყველებს, რომ ამ კვირაში თქვენ რისკავთ დიდი თანხის დახარჯვას ერთი შეხედვით არასაჭირო ნივთებზე. თუმცა, ეს არ შეგიქმნით ფინანსურ სირთულეებს, პირიქით, მომავალში გაცილებით მეტს დაიბრუნებთ, ვიდრე დახარჯეთ. ხელმძღვანელობამ შეიძლება გამოხატოს უკმაყოფილება თქვენი მუშაობის შედეგებით, მაგრამ შეეცადეთ კრიტიკა პოზიტიურად მიიიღოთ, რადგან თავშეუკავებლობა და შეუწყნარებლობა მხოლოდ გააუარესებს სიტუაციას. თუ ამ ყველაფერს გაუმკლავდებით, თქვენი ავტორიტეტი და ხელფასი გაიზრდება. საკუთარი იდეების მასშტაბმა შეიძლება ხელი შეგიშალოთ თქვენი შესაძლებლობების რეალურად შეფასებაში. პირადი პრობლემების განხილვა ახლო მეგობართან დაგეხმარებათ ბევრი რამის გარკვევაში. ეცადეთ, ცოტა დრო დაუთმოთ საკუთარი სახლის კომფორტს, რათა კარგად დაისვენოთ მძიმე შრომის შემდეგ.

სასიკეთო დღეები: 10, 14.

არასასიკეთო დღე: 11.

მორიელი

ეს კვირა პროფესიული თვალსაზრისით წარმატებული და მომგებიანი იქნება. შეიძლება საკმაოდ დატვირთული სამუშაო გრაფიკი გქონდეთ, მაგრამ ამაში კარგად გადაგიხდიან. გაიზრდება თქვენი ავტორიტეტი და გავლენა ირგვლივ მყოფებზე.  შეგიძლიათ მარტივად გაუმკლავდეთ ბევრ ამოცანას და განახორციელოთ თქვენი გეგმები. გაჩნდება კარიერის ზრდისა და დამატებითი შემოსავლის შესაძლებლობა. კვირის ბოლოს გამორიცხული არ არის სახლში მოგიწიოთ სტუმრების მიღება. შეიძლება ასევე გინდოდეთ ძველი ნაცნობის ან ახლობლის მონახულება, რომელთანაც დიდი ხანია არ გქონიათ კონტაქტი. ამ პერიოდში ზოგიერთ თქვენგანს შეიძლება ჰქონდეს აზრთა სხვადასხვაობა ახლო მეგობართან ან ოჯახის წევრთან. შეეცადეთ თავიდან აიცილოთ კონფლიქტური სიტუაციები.

სასიკეთო დღეები: 8, 13.

არასასიკეთო დღე: 12.

მშვილდოსანი

ამ კვირაში მოგიწევთ თავი შეიკავოთ ხმამაღალი განცხადებებისა და დაპირებებისგან, ასევე კრიტიკისგან. საკუთარ შესაძლებლობებში ნდობა და ქმედებებში თანმიმდევრულობა დაგეხმარებათ მოიპოვოთ ირგვლივ მყოფების კეთილგანწყობა და გააძლიეროთ კარგი ურთიერთობა ხელმძღვანელებთან. სამშაბათს აუცილებლად მკაფიო პასუხები უნდა გასცეთ და თემას არ გადაუხვიოთ. კვირის მეორე ნახევარში კარგ ფორმაში იქნებით და ადრე დაწყებული ამოცანების წარმატებით შესრულებას შეძლებთ. კოლეგები დიდად დააფასებენ თქვენს ეფექტურ მონაწილეობას წარმოშობილი პრობლემების გადაჭრაში და მზად იქნებიან მხარი დაუჭირონ თქვენს ყველა იდეას. პოზიტიურ ცვლილებებს ელოდეთ პირად ცხოვრებაშიც.

სასიკეთო დღეები: 9, 10.

არასასიკეთო დღე: 14.

თხის რქა

ამ კვირაში ბევრი თქვენგანი ისიამოვნებს სიმშვიდითა და დასვენებით გასული კვირის დატვირთული სამუშაო გრაფიკის შემდეგ, რაც  ვარსკვლავების დადებითი გავლენის გარანტიაა. თქვენ შეძლებთ ოჯახთან ერთად გაატაროთ დიდი დრო, შეხვდეთ მეგობრებს და იმხიარულოთ. თავის მხრივ, ეს ყველაფერი უდავოდ გამოიწვევს ურთიერთობების გაუმჯობესებას. ასევე, დიდი შესაძლებლობა გექნებათ მოაგვაროთ მარტოობისა და გაუგებრობის პრობლემები. პროფესიულ სფეროში მზად იქნებით ძალიან ეფექტური იდეების მოსაფიქრებლად. ვარსკვლავებისგან რეკომენდებულია იყოთ უფრო აქტიური და მიზანსწრაფული თქვენი გეგმების განხორციელებისას. შაბათ-კვირას ელოდეთ მოულოდნელ სტუმრებს.

სასიკეთო დღეები: 10, 13.

არასასიკეთო დღე: 11.

მერწყული

ამ კვირამ შეიძლება იმედი გაგიცრუოთ. ეს საკმაოდ დაძაბული პერიოდი იქნება თქვენთვის და დიდი ძალისხმევა მოგიწევთ იმისათვის, რომ პროდუქტიული გახადოთ და ვალდებულებები შეასრულოთ. ნურავის სიტყვას ნუ ენდობით, ინფორმაცია აუცილებლად გადაამოწმეთ. ახლა არ არის მიზანშეწონილი რაიმე ქმედებების განხორციელება, რომელიც შეიძლება გლობალურად ჩაითვალოს. უმჯობესია მხოლოდ დინებას მივყვეთ. პარასკევს არ უნდა მოუსმინოთ  „კეთილმოსურნეთა“ რჩევებს, უკეთესია ენდოთ თქვენი ინტუიციის ხმას. რთულ სიტუაციაში თქვენი ოჯახი მზად იქნება გაგიწიოთ ყველა შესაძლო მხარდაჭერა და დახმარება. შესაძლებელია ძველ მეგობართან კონტაქტის განახლება.

სასიკეთო დღეები: 9, 13.

არასასიკეთო დღე: 8.

თევზები

ამ კვირაში დიდი მოთხოვნები გექნებათ! ბევრი თქვენგანი მეგობრებთან ბევრად უფრო ახლოს იგრძნობს თავს, ვიდრე ადრე და არ დააყოვნებს მათთან  პრობლემების განხილვას. ადვილად აიღებთ სადავეებს საკუთარ ხელში და გახდებით ლიდერი მათთვის, ვისაც არ აქვს ორგანიზაციული უნარები. ზოგიერთი თქვენგანისთვის ამ პერიოდმა შეიძლება მოიტანოს ჯილდოები, პრივილეგიები და აღიარება საპასუხისმგებლო დავალების შესრულებისთვის, რომელსაც  სხვა ვერავინ გაუმკლავდება. შეეცადეთ სათანადო ყურადღება ოჯახსაც დაუთმოთ,  შაბათ-კვირა ბავშვებთან ერთად ბუნებაში გახვიდეთ და დრო სასიამოვნოდ გაატაროთ.

თამთა გურული