გავრცელებული ინფორმაციით ზვიად ხარაზიშვილი მხარზე დაზიანებებით კლინიკაში მოათავსეს – რას აცხადებს კლინიკის რადიოლოგი

მედიაში გავრცელებული ინფორმაციით, შინაგან საქმეთა სამინისტროს განსაკუთრებულ დავალებათა დეპარტამენტის ხელმძღვანელი, ზვიად ხარაზიშვილი ჰოსპიტალში იმყოფებოდა.

როგორც ავერსის კლინიკის რადიოლოგმა, სოფო მიქიაშვილმა ტელეკომპანია „პირველს“ განუცხადა, ხარაზიშვილს მხრის არეში მაღალი ხარიხის დაზიანება აღენიშნება:

“მოტეხილობა არა, მაგრამ მყესების პრობლემა არის, რამდენიმე მყესის დაზიანებაა მაღალი ხარიხის, მხრის სახსრის დემენტი“ – განუცხადა ავერსის კლინიკის რადიოლოგმა, სოფო მიქიაშვილმა ტელეკომპანია “პირველს“.

ჟურნალისტის კითხვაზე, “რისგან მიიღო დაზიანება, ნაცემი ხომ არ არის“, რადიოლოგმა უპასუხა, რომ ამის შესახებ ინფორმაციას არ ფლობს:

“ვერ გეტყვით ამ ინფორმაციას, მე რადიოლოგი ვარ მაგ ინფორმაციას ვერ გავცემ, მე დავამუშავე და დავწერე რეპორტი, ანამნეზს ვერ გეტყვით საიდან მიიღო“ – განუცხადა ტელეკომპანიას მიქიაშვილმა.