ვინ და როგორ აფასებს ეუთო/ოდირის დასკვნას არჩევნებზე

ეუთო/ოდირის მიერ არჩევნებზე საბოლოო დასკვნის გამოქვეყნების შემდეგ, „ქართულმა ოცნებამ“ და ოპოზიციამ სხვადასხვა შეფასება გააკეთეს. თუკი ოპოზიცია ანგარიშს კრიტიკულად მიიჩნევს, მმართველ გუნდში ამბობენ, რომ ანგარიში არჩევნების შედეგებს აღიარებს.

• რა წერია ეუთო/ოდირის მიერ საპარლამენტო არჩევნების შეფასებაში

თავად ორგანიზაცია აცხადებს, რომ მანდატის ფარგლებში არ შეაფასებს არჩევნების ლეგიტიმურობას და დასკვნების გაკეთებისკენ ხალხს მოუწდებს.

ამ მასალაში თავი მიმოვუყარეთ ამ დროისთვის გაკეთებულ განცხადებებს:

ირაკლი კობახიძე: „მთლიანობაში ეუთო/ოდირის დასკვნიდან ირკვევა, რომ არჩევნები იყო თავისუფალი და კონკურენტული, ეს იკითხება ეუთო/ოდირის დასკვნის საერთო შინაარსიდან. მინდა, კიდევ ერთხელ მადლობა გადავუხადო ეუთო/ოდირს“.

თაზო დათუნაშვილი, „ძლიერი საქართველო“: „არჩევნების გაყალბების მათი ყველა მოდელი არის გათვალიწინებული ეუთო/ოდირის დასკვნაში, სადაც მკაფიოდ წერია, რომ ამ არჩევნებმა ვერ გამოხატა ქართველი ხალხის ნება!“

ნათია მეზვრიშვილი, „საქართველოსთვის“: „ეუთო-ოდირმაც გამოუტანა არალეგიტიმურ „ოცნებას“ განაჩენი! ოდირი ამბობს, რომ არჩევნები არ ყოფილა არც თავისუფალი და არც სამართლიანი“

ცესკო: „ანგარიშში პოზიტიურად არის შეფასებული საარჩევნო ადმინისტრაციის გამჭვირვალობის პოლიტიკა და მის მიერ განხორციელებული მთელი რიგი საქმიანობები“ .