ვოლგოგრადში "ლუკოილის" ნავთობგადამამუშავებელ ქარხანას ცეცხლი გაუჩნდა

15 იანვრის ღამით, ცეცხლი გაუჩნდა ვოლგოგრადის კრასნოარმეისკის რაიონში მდებარე კომპანია "ლუკოილის" ნავთობგადამამუშავებელი ქარხნის ერთ-ერთ დანადგარს. ტელეგრამის არხ "ვოლგოგრადის" ცნობით, თანამშრომლებს აუკრძალეს ცეცხლის კერის გადაღება, ხოლო ოპერატიული სამსახურები აცხადებენ, რომ ხანძრის დროს არავინ დაშავებულა.

დაახლოებით დილის 4 საათისთვის, ქარხანაში რაღაცამ იფეთქა და ცა გადაანათა. თვითმხილველებისა და მოგვიანებით გამოქვეყნებული კადრების თანახმად, ქარხანაში ცეცხლის ახალი კერები გაჩნდა.

ვოლგოგრადის ოლქის საგანგებო სიტუაციების სამსახურის პრესცენტრში ნავთობგადამამუშავებელ ქარხანაში მომხდარი აფეთქება და ხანძარი ერთ-ერთ ობიექტზე შიდა პრობლემებისგან გამოწვეული "არასაშტატო ვითარებით" ახსნეს და გამორიცხეს "ზეგავლენა გარედან". ასეთში ბოლო ხანს რუსეთის ტერიტორიაზე ხშირად იგულისხმება უკრაინული დრონების პირაპირი შეტევა ან თვითმფრინავების ნამსხვრევების ზემოქმედება.

წუხელ რუსეთის თავდაცვის სამინისტრომ სამი უკრაინული დრონის ჩამოგდების შესახებ განაცხადა. ოფიციალური ცნობით, სამივე დრონი ვოლგოგრადიდან საკმაოდ დაშორებით, ბელგოროდისა და ტამბოვის რეგიონებში ჩამოაგდეს.