ლაკაზეტი კარიერას საუდის არაბეთში გააგრძელებს

ფრანგი ვეტერანი თავდამსხმელი ალექსანდრ ლაკაზეტი საუდის არაბეთის კლუბ „ნეომში“ ითამაშებს. 34 წლის ფორვარდი არაბულ გუნდს 2027 წლის ზაფხულამდე დაემატება.

„ნეომი“ მომავალ სეზონში საუდი პრო ლიგაში ითამაშებს და შემადგენლობის გაძლიერებაზე მუშაობს. ლაკაზეტის შემდეგ კლუბი ჟოაო ფელიქსის დამატებასაც გეგმავს, მთავარი მწვრთნელის პოსტზე კი, სავარაუდოდ, კრისტოფ გალტიე დაინიშნება.

ლაკაზეტი „ლიონის“ აღზრდილია და კარიერის განმავლობაში ასევე „არსენალში“ ასპარეზობდა.