პანამამ გაეროში საჩივარი შეიტანა ტრამპის მუქარის გამო, რომ ხელში ჩაიგდებს პანამის არხს

პანამამ გაეროში საჩივარი გაგზავნა აშშ-ის პრეზიდენტ დონალდ ტრამპის მიერ მისი ინაუგურაციის შემდეგ პანამის არხის შესახებ გაკეთებული განცხადების გამო. ამის შესახებ Reuters-ი იტყობინება.

ტრამპმა განაცხადა, რომ პანამის არხს ჩინეთი აკონტროლებს, თუმცა აშშ-მა ის 1990-იანი წლების ბოლოს პანამას გადასცა, და პირობა დადო, რომ აშშ განაახლებს მასზე კონტროლს. პანამის ხელისუფლება უარყოფს ბრალდებებს.

„ჩვენ ის არ გადაგვიცია ჩინეთისთვის. ჩვენ ის პანამას გადავეცით და მას დავიბრუნებთ,“ განაცხადა ტრამპმა ფიცის დადებიდან რამდენიმე წუთში.

საჩივარი გაეგზავნა გაეროს გენერალურ მდივან ანტონიუ გუტერიშს და გავრცელდა უშიშროების საბჭოს 15 წევრს შორის. პანამა საბჭოს წევრია 2025-2026 წლებში. გაეროში პანამის ელჩმა ელოი ალფრარო დე ალბამ აღნიშნა, რომ, გაეროს წესდების მიხედვით, ქვეყნებმა „საერთაშორისო ურთიერთობებში თავი უნდა შეიკავონ ძალის გამოყენების მუქარისგან ან მისი გამოყენებისგან რომელიმე სახელმწიფოს ტერიტორიული მთლიანობისა ან პოლიტიკური დამოუკიდებლობის წინააღმდეგ“.

პანამის არხის მშენებლობა 1904 წელს დაიწყო აშშ-ის თავდაცვის სამინისტროს ეგიდით. 1977 წელს პანამამ და აშშ-მა ხელი მოაწერეს შეთანხმებებს, რომლებითაც დაიწყო არხის პანამის კონტროლქვეშ დაბრუნება.