როდრის არყოფნაში პეპის სიტიმ თვალი ბრუნო გიმარაეშს დაადგა

იმის გამო, რომ მანჩესტერ სიტის როდრი ერნანდესი აკლია, პეპ გვარდიოლას გუნდი თამაშს თამაშზე აგებს და ვერანაირ კრიტიკას ვერ უძლებს.

როგორც იწერება, მანჩესტერელები როდრის ჩამნაცვლებელს გამალებით დაეძებენ და ერთ-ერთი რეალური კანდიდატი ბრუნო გიმარაეშია.

სხვათა შორის, თავად 27 წლის ბრაზილიელი ფეხბურთელიც მზადაა, რომ სიტის წინადადებას მოუსმინოს და მოქმედ ჩემპიონს ზამთარშივე შეუერთდეს.

ფეხბურთელს ნიუკასლთან მოქმედი კონტრაქტი 2028 წლამდე აკავშირებს, ხოლო მისი სატრანსფერო ფასი 85 მილიონი ევროა.