რომელი ქვეყნებიდან გადმოირიცხა აგვისტოში საქართველოში ყველაზე მეტი თანხა?

აგვისტოში საზღვარგარეთიდან საქართველოში შემოსული ფულადი გზავნილები უმნიშვნელოდ შემცირდა. ეროვნული ბანკის მონაცემებით, ზაფხულის ბოლო თვეში უცხოეთიდან 291 მილიონი დოლარი გადმოირიცხა, რაც ივლისის მაჩვენებელს (298 მილიონი დოლარი) 2,5%-ით ჩამოუვარდება.

ყველაზე მეტი ფულადი გზავნილი აგვისტოში აშშ-დან შემოვიდა (50,8 მილიონი დოლარი, მთელი მოცულობის 17,1%), რომელსაც უმნიშვნელოდ ჩამორჩება იტალია (49,2 მილიონი, 16,9%), მესამე ადგილზე კი რუსეთის ფედერაციაა (42,6 მილიონი, 14,6%).

ფულადი გზავნილების მიხედვით ქვეყნების TOP-ათეული:  

1. აშშ – 50.8 მლნ აშშ დოლარი
2. იტალია – 49.3 მლნ აშშ დოლარი
3. რუსეთი – 42.6 მლნ აშშ დოლარი
4. გერმანია – 25.4 მლნ აშშ დოლარი
5. საბერძნეთი – 22.4 მლნ აშშ დოლარი
6. ისრაელი – 19.8 მლნ აშშ დოლარი
7. ყაზახეთი – 9 მლნ აშშ დოლარი
8. თურქეთი – 8.7 მლნ აშშ დოლარი
9. ყირგიზეთი – 7.9 მლნ აშშ დოლარი
10. ესპანეთი – 7.6 მლნ აშშ დოლარი

რაც შეეხება გადარიცხვებს საქართველოდან, აგვისტოში საქართველოდან სხვა ქვეყნებში 33 მილიონი დოლარი გადაირიცხა, აქედან ყველაზე მეტი – თურქეთში (7 მილიონი), აზერბაიჯანსა (4,7 მილიონი) და რუსეთში (3,8 მილიონი).