სლოვაკეთის ერთ-ერთ გიმნაზიაში დანით თავდასხმის შედეგად ორი ადამიანი დაიღუპა

ორი ადამიანი დაიღუპა, ერთი დაშავდა და კრიტიკულ მდგომარეობაშია მას შემდეგ, რაც სლოვაკეთის ქალაქ სპისკა სტარა ვესში არსებულ გიმნაზიაში მოსწავლემ დანით თავდასხმა მოახდინა. დაიღუპა საგანმანათლებლო დაწესებულების დირექტორი და ერთ-ერთი სტუდენტი გოგო.

ცნობილია, რომ მოზარდი ადრე სწავლობდა ქალაქ კეჟმაროკის გიმნაზიაში, მაგრამ სპისკა სტარა ვესში გადაიყვანეს. ეჭვმიტანილი იყო წარმატებული სტუდენტი, მონაწილეობდა ოლიმპიადებსა და სხვა სასკოლო კონკურსებში. მისი ქმედებების მიზეზები უცნობია.

მომხდარ თავდასხმას სლოვაკეთის პრემიერ-მინისტრი რობერტ ფიცომ და სხვა მაღალჩინოსნები გამოეხმაურნენ და საზოგადოებას სოლიდარობისა და მხარდაჭერისკენ მოუწოდეს. ფიცომ, რომელიც გასულ წელს თავდასხმას გადაურჩა, ასევე გააფრთხილა სლოვაკეთის მოქალაქეები, რომ არ გამოიყენონ ტრაგედია პოლიტიკური მიზნებისთვის.