უცხოეთში „ლუკოილის“ ავტოგასამართ სადგურებზე აშშ-ის სანქციები ისევ არ ვრცელდება

აშშ-ის ფინანსთა სამინისტროს მიერ 15 ოქტომბერს გამოქვეყნებული დოკუმენტით, უცხოეთში „ლუკოილის“ ავტოგასამართი სადგურებისთვის გაცემული ლიცენზიის მოქმედების ვადა, რომელიც ოქტომბრის ბოლოს იწურებოდა, 2027 წლის 24 აპრილამდე გაგრძელდა.

• ლიცენზია ნიშნავს, რომ ამ ობიექტებზე არ ვრცელდება აშშ-ის მიერ „ლუკოილისთვის“ დაწესებული სანქციები.

აშშ-ის მიერ გაცემული კიდევ ერთი გენერალური ლიცენზიით, 2027 წლის 24 აპრილამდე გაგრძელდა ბულგარეთში „ლუკოილის“ ოთხ შვილობილ კომპანიასთან ტრანზაქციების ნებართვაც. მისი ვადაც ოქტომბრის ბოლოს იწურებოდა.

• 2025 წლის ოქტომბერში ამერიკის შეერთებულმა შტატებმა უკრაინის წინააღმდეგ რუსეთის ომის გაგრძელების გამო სანქციები დაუწესა ორ უმსხვილეს რუსულ ნავთობკომპანიას, „ლუკოილს“ და „როსნეფტს“.
• „ლუკოილი“ იძულებული გახდა უცხოური აქტივების გაყიდვა დაეწყო.
• „ლუკოილი“ ავტოგასამართ სადგურებს ფლობს მსოფლიოს სხვადასხვა ქვეყანაში, მათ შორის აშშ-ში და საქართველოშიც და რამდენიმე ნავთობგადამამუშავებელ ქარხანას ევროპაში.
• ამ ობიექტებს აშშ-ის სანქციები არ შეხებია.