“ყველგან პოლიცია, არსად სამართალი” – იუსტიციის სახლთან ხელოვანების აქციაა, პროტესტია კინოცენტრშიც

“ყველგან პოლიცია, არსად სამართალი” – იუსტიციის სახლთან ხელოვანებმა ბანერი გამოფინეს. კულტურის სამინისტროსთან გამართული აქციის შემდეგ, მსახიობები, რეჟისორები, მუსიკოსები და სახელოვნებო სფეროს სხვა წარმომადგენლები პროტესტს სწორედ იუსტიციის სახლთან აგრძელებენ. ისინი მსვლელობების გამართვასა პოლიციის შენობებთან მისვლას გეგმავენ.

პარალელურად, ხმაურია კინოცენტრში. კინოინდუსტრიის წარმომადგენლები თანამშრომლებს უკანონოდ დაკავებული და ნაცემი ადამიანების მიმართ სოლიდარობის გამოხატვისკენ მოუწოდებდნენ, თუმცა ადგილზე პოლიცია გამოიძახეს, რომლებმაც პროტესტის მონაწილეებს ტერიტორია ძალით დაატოვებინეს. ისინი აქციას გარე პერიმეტრზე აგრძელებენ.