1 week ago
3
17 დეკემბერს ევროპარლამენტში საქართველოს საკითხზე დებატები გაიმართება.
საქართველოში მშვიდობიანი პროევროპული აქციების ჩახშობის შესახებ მოხსენებით გამოვა ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი.
ევროკომისიის ვიცე-პრეზიდენტის სიტყვას მოჰყვება პოლიტიკური ჯგუფების სპიკერთა გამოსვლები.
თბილისსა და საქართველოს სხვა ქალაქებში მასობრივი პროტესტი მოჰყვა ირაკლი კობახიძის 28 ნოემბრის განცხადებას, რომ 2028 წლის ბოლომდე ევროკავშირთან გაწევრიანების მოლაპარაკებების დაწყების საკითხის დღის წესრიგიდან მოხსნის შესახებ. ხელისუფლება გაზის, წყლის ჭავლის და წიწაკის სპრეის მასობრივი გამოყენებით, ძალადობრივად ცდილობს პროტესტის ჩახშობას. დაკავებულია და სასტიკად ნაცემი ასობით ადამიანი, მათ შორის, მედიის წარმომადგენლები, სახელოვნებო სივრცის წარმომადგენლები. არაიდენტიფიცირებადი პირები ჯგუფურად თავს ესხმიან ქუჩებში მოქალაქეებსა და მედიის წარმომადგენლებს. პარალელურად, „ქართული ოცნება“ იღებს რეპრესიულ კანონებს გამოხატვის თავისუფლების წინააღმდეგ.
English (US) · 
Georgian (GE) ·