9 იანვარი გლოვის დღედ გამოცხადდა – ირაკლი კობახიძე

საბერიოში მომხდარ ტრაგედიის გამო, რომელსაც ხუთი ბავშვის სიცოცხლე ემსხვერპლა, 9 იანვარი გლოვის დღედ გამოცხადდა – ამის შესახებ ინფორმაციას ირაკლი კობახიძის სამსახური ავრცელებს.

ოკუპირებული გალის რაიონის სოფელ საბერიოში მომხდარ ტრაგედიასთან დაკავშირებით, რომელსაც ხუთი ბავშვის სიცოცხლე ემსხვერპლა, 9 იანვარი გლოვის დღედ გამოცხადდა.

საქართველოს ტერიტორიაზე, ადმინისტრაციულ შენობებზე სახელმწიფო დროშები დაეშვება, -წერია განცხადებაში. 

განცხადების მიხედვით, ირაკლი კობახიძის სამსახური “სამძიმარს უცხადებს ხანძრის შედეგად დაღუპული ბავშვების ოჯახსა და ახლობლებს”.