Integriball პროექტი საქართველოში

პროგრამა Integriball-მა, რომელიც ემსახურება ფეხბურთში სამართლიანობისა და ინკლუზიურობის ხელშეწყობას, წარმატებით დაასრულა ფაქტების დამდგენი მისიები ესტონეთში, რუმინეთსა და საქართველოში. აღნიშნული მისიები, რომლებიც ჩატარდა თითოეული ქვეყნის ფეხბურთის ფედერაციასთან მჭიდრო თანამშრომლობით და პარტნიორი ორგანიზაციების - United Lotteries for Integrity in Sports (ULIS) და Berkeley Global Society (BGS) მხარდაჭერით, მნიშვნელოვანი ეტაპია სპორტული სამართლიანობის დაცვის უწყვეტ პროცესში.

ფაქტების დამდგენი მისიების შესახებ

„სპორტული სამართლიანობის ფონდის“ (CSCF) ხელმძღვანელობით და უეფას მხარდაჭერით, პროგრამა Integriball მიზნად ისახავს პროგრამების განავითარებას, რომლებიც ორიენტირებულია სხვადასხვა ქვეყნებში თამაშების მანიპულაციასთან ბრძოლაზე, ასევე ბავშვთა და მამხილებელთა დაცვაზე. ფაქტების დამდგენი მისიების ჩატარება მნიშვნელოვანი ნაბიჯი იყო ესტონეთის, რუმინეთისა და საქართველოს საფეხბურთო საზოგადოებებში ცოდნისა და ცნობიერების არსებული დონის შესაფასებლად.

ფაქტების დამდგენი მისიების შემდეგ განხორციელდა შეგროვებული მონაცემების საფუძვლიანი ანალიზი და შემუშავდა სპეციალიზებული სასწავლო პროგრამები. აღნიშნული პროგრამები ჩატარდა ტრენერთა ტრენინგის ფორმატში, რასაც მოჰყვა ბავშვებისთვის განკუთვნილი საპილოტე სესიები. პროექტის ეს ეტაპი დაიწყო რუმინეთში, წარმატებით გაგრძელდა საქართველოში და მალე განხორციელდება ესტონეთში.

ესტონეთში მისიას უმასპინძლა ესტონეთის ფეხბურთის ასოციაციამ, სადაც დაინტერესებულმა მხარეებმა ყოვლისმომცველი დისკუსიებისა და შეფასებების ფარგლებში გამოავლინეს გაუმჯობესების სფეროები და სტრატეგიები სპორტული სამართლიანობის გაუმჯობესებისთვის.

რუმინეთის ფეხბურთის ფედერაციამ ხელი შეუწყო პროდუქტიულ დისკუსიებსა და ინფორმაციის გაცვლას, არსებული ლანდშაფტის საფუძვლიან გამოკვლევას და მიზნობრივი ინტერვენციების ფორმულირებას ნებისმიერი გამოვლენილი გამოწვევის მოსაგვარებლად.

საქართველოს ფეხბურთის ფედერაციამ წამყვანი როლი შეასრულა ფაქტების დამდგენი მისიის კოორდინაციაში და ხელი შეუწყო დაინტერესებულ მხარეებს შორის ღია დიალოგისა და თანამშრომლობისთვის ხელსაყრელი გარემოს ჩამოყალიბებას. „ეს ერთობლივი ძალისხმევა იყო ძალზედ მნიშვნელოვანი საფეხბურთო სამართლიანობის განვითარებისთვის. ჩვენ მადლობელი ვართ, რომ მოგვეცა შესაძლებლობა, გავმხდარიყავით ასეთი გავლენიანი ინიციატივის ნაწილი. მომავალში ჩვენ კიდევ უფრო გავაღრმავებთ თანამშრომლობას ყველა დაინტერესებულ მხარესთან, რათა დავიცვათ სამართლიანობისა და ინკლუზიურობის ღირებულებები ქართულ ფეხბურთში“, - განაცხადა სფფ-ის წარმომადგენელმა.

აღნიშნული მისიების ფარგლებში, პროგრამა Integriball-მა ყურადღება გაამახვილა ფეხბურთის განვითარებისა და მართვის პროცესში სამართლიანობის პრიორიტეტულობაზე, და ამით კიდევ ერთხელ ხაზი გაუსვა სპორტში ყველაზე მოწყვლადი ჯგუფების დაცვის მნიშვნელობას.

„აღფრთოვანებული ვარ Integriball-ის შედეგებით. ჩვენს პარტნიორებთან და ესტონეთის, რუმინეთისა და საქართველოს ფეხბურთის ფედერაციებთან თანამშრომლობით ჩვენ წარმატებით ჩავატარეთ ფაქტების დამდგენი მისიები, რომლებიც მიზნად ისახავდა საფეხბურთო სამართლიანობის გაძლიერებას“, აღნიშნა CSCF-ის დირექტორმა, ნორბერტ რუბიჩეკმა. „ ამ მისიების მეშვეობით ჩვენ მივიღეთ ფასდაუდებელი ინფორმაცია, რომელიც ხელს შეუწყობს სამომავლო ინიციატივების განხორციელებას და გააძლიერებს ჩვენს ძალისხმევებს სპორტული სამართლიანობისა და ინკლუზიურობის მიმართულებით. მადლობას ვუხდით ყველა მონაწილეს მათი ურყევი ერთგულებისთვის და მომავალშიც ველით Integriball-ის წარმატებებს“.

CSCF-ის შესახებ

„CSCF - სპორტული სამართლიანობის ფონდი“ არის ორგანიზაცია, რომელიც მსოფლიო მასშტაბით ხელს უწყობს სპორტში სამართლიანობის, გამჭვირვალობისა და ეთიკის გაძლიერებას. ჩვენ ვთავაზობთ საგანმანათლებლო პროგრამებს, რჩევებს და რისკის მართვის მხარდაჭერას სპორტულ ორგანიზაციებს, სამართალდამცავ ორგანოებს, სამთავრობო ორგანოებსა და აზარტული თამაშების სფეროს, რათა ხელი შევუწყოთ ეთიკასა და სამართლიანობასთან დაკავშირებული ძირითადი გამოწვევების გადალახვას. Integriball 2.0-ის კოორდინატორისა და კონტენტის მიმწოდებლის როლში ჩვენ ვხელმძღვანელობთ ამ უნიკალურ ინიციატივას, რომელიც ემსახურება სპორტულ სამართლიანობას.

Integriball 2.0-ის პარტნიორი ქვეყნების შესახებ

საქართველოს ფეხბურთის ფედერაცია (სფფ): სფფ არის ფეხბურთის მმართველი ორგანო საქართველოში. Integriball 2.0-ში მონაწილეობით სფფ ხაზს უსვამს ქვეყანაში სპორტული სამართლიანობის განვითარების მნიშვნელობას. ფეხბურთის მმართველობაში სამართლიანობის დანერგვით, ასევე მოთამაშეთა ქცევასა და გულშემატკივართა ჩართულობაზე ორიენტაციით სფფ მნიშვნელოვან როლს ასრულებს ქართულ ფეხბურთში სამართლიანობისა და პატიოსნების ღირებულებების დაცვის კუთხით.

Integriball 2.0-ის ამბიცია სცილდება ეროვნულ საზღვრებს. პროგრამაში უკვე ჩართულია რვა ქვეყანა, მათ შორის ესტონეთი, საქართველო და რუმინეთი. ცოდნისა და რესურსების გავრცელებით პროექტი მიზნად ისახავს ფეხბურთში ეთიკურად ჯანსაღი და უსაფრთხო გარემოს შექმნას.

Integriball 2.0-ის და პროგრამაში ჩართვის შესაძლებლობების შესახებ შესახებ დამატებითი ინფორმაციისთვის გთხოვთ დაგვიკავშირდეთ: [email protected].

შენიშვნა: პროექტი დაფინანსებულია ევროკავშირის მიერ. ავტორ(ებ)ის მიერ გამოთქმული მოსაზრებები არ ასახავს ევროკავშირის ან EACEA-ის შეხედულებებს. შესაბამისად, ევროკავშირი და გრანტის გამცემი ორგანო არ აგებენ პასუხს პროექტის შინაარსზე.