3 weeks ago
21
NeoFest-2024 ჯილდო ლიკა მზარეულიშვილს გადაეცა. კონკურსის თემა წელს, ქვეყნის დემოკრატიისა და ევროინტეგრაციის გზაზე არსებულ გამოწვევებს და მათი დაძლევის შესაძლებლობებს ეხებოდა.
ლიკა მზარეულიშვილი 2008 წლის რუსეთ-საქართველოს ომის შედეგად დევნილია და ამბობს, რომ იძულებით გადაადგილებულ პირებს აღნიშნული საკითხი განსაკუთრებით აინტერესებთ. მისი განმარტებით, კოტეჯებში მცხოვრები ახალგაზრდებისთვის ქვეყნის უსაფრთხოებისა და ეკონომიკური სტაბილურობის გარანტი ევროკავშირია, თუმცა უფროს თაობას ამ მხრივ დეზინფორმაცია-პროპაგანდის შდეგად, ხშირ შემთხვევაში არასწორი დმოკიდებულებები აქვს. სწორედ ასეთი აუდიტორიისთვის აპირებს ლიკა იმ კვლევის შედეგების გაზიარებას, რომელზეც საკონკურსო ნაშრომის მომზადებისას იმუშავა. გამარჯვებული სტატია უახლოეს დღეებში NeoTv.ge – ზე გამოქვეყნდება.
NeoFest გორში ნეო ტვ-ს ინიციატივით, ყოველწლიურად ტარდება (2022 წლიდან) და ის მიმდინარე აქტუალურ საკითხებს მოიცავს. წელს კონკურსი დანიის სამეფოს “ახალი დემოკრატიის ფონდის” (NDF) მხარდაჭერით ჩატარდა, რომელიც ორგანიზატორებმა ადამიანის უფლებების დაცვის დღეს (10 დეკემბერი) მიუძვნეს.
English (US) · 
Georgian (GE) ·