#OK! კრისტიან ბეილი უდედმამო ბავშვებისთვის სოფელს აშენებს, რაც 22 მილიონი დოლარი დაჯდება

ამბობენ, რომ კარგად შესრულებული როლი მსახიობისთვის ცხოვრების ნაწილი ხდება. ალბათ მართლაც ასეა, რადგან თუ ბრიტანელმა მსახიობმა, კრისტიან ბეილიმ 2008 წელს, ფილმში „შავი პრინცი“ ბეტმენის როლი შეასრულა, დღეს ის რეალურ ცხოვრებაში ეხმარება ბავშვებს, რომლებსაც გმირის მხარდაჭერა სჭირდებათ.

2024 წელს ცნობილი გახდა, რომ ოსკაროსანი მსახიობი უსახლკარო ბავშვებისთვის კალიფორნიაში 22 მილიონ დოლარად შეფასებულ სოფელს ააშენებს. როგორც ირკვევა, მსახიობს ამის გაკეთება უკვე 16 წელია სურს. ბეილი საქვემოქმედო ორგნიზაციის „ერთად კალიფორნიისთვის“ დამფუძნებელია და თავშესაფრის სისტემაში აღრიცხული ბავშვებისთვის 12 სახლის აშენებას გეგმავს.

არასამთავრობო ორგანიზაციების მონაცემებით, შეერთებულ შტატებში მშობლების გარეშე დარჩენილი ბავშვების მინდობით აღზრდაში გადაცემის შემდეგ და-ძმების 75%-მდე ერთმანეთს შორდება. ბეილის სოფელი მშობლების გარეშე დარჩენილ და-ძებს ერთად ყოფნის საშუალებას მისცემს, რაც ძალიან მნიშვნელოვანია.

„წარმოიდგინეთ, როდესაც მშობლებთან განშორების ტრამვას და-ძმების დაკარგვის ტრავმა ემატება. ეს ისეთი რამ არის, რაც არ უნდა გავაკეთოთ. უბრალოდ გამბედაობაა საჭირო“ – განუცხადა ბეილიმ CBS Sunday Morning-ის ჟურნალისტს.

აღსანიშნავია, რომ 120 მილიონი დოლარიანი ქონების მიუხედავად, მსახიობი 2003 წელს შეძენილი ავტომანქანით – Toyota Tacoma გადაადგილდება. 20 წლის განმავლობაში მას ახალი ავტომობილი არ უყიდია და ძველს ამჯობინებს, რომელიც დღემდე ერთგულად ემსახურება.

კრისტიან  ჩარლზ ფილიპ ბეილი 1974 წლის 30 იანვარს დაიბადა. 13 წლის ასაკში მან სტივენ სპილბერგის ფილმში „მზის იმპერია“ ინგლისელი ბიჭის როლი შეასრულა, რომელიც მეორე მსოფლიო ომის დროს დაიკარგა და იაპონელთა ბანაკში აღმოჩნდა. მსახიობს მიღებული აქვს უამრავი ჯილდო, მათ შორის ოსკარი და ორი ოქროს გლობუსი. 2011 წელს ჟურნალმა Time– მა ბეილი მსოფლიოს 100 ყველაზე გავლენიანი ადამიანის სიაში შეიყვანა.

ასევე დაგაინტერესებთ

#OK! “ყველა როლი, რომელსაც ვიღებთ ჩვენ, იმის დამსახურებაა, რომ ლეონარდო დიკაპრიო აცხადებს უარს მათზე – კრისტიან ბეილი