რა ასაკში ქორწინდებიან ადამიანები მსოფლიოს სხვადასხვა კუთხეში?

კითხვა, როდის უნდა დაქორწინდე, საკმაოდ პირადია, თუმცა მარტოხელა ადამიანებს ყველაზე ხშირად ესმით. საქორწინო ასაკს თითოეული ქვეყანა საკუთარი ტრადიციებისა და კულტურული თავისებურებების გათვალისწინებით განსაზღვრავს. ვნახოთ როგორია ქორწინების საშუალო ასაკი სხვადასხვა ქვეყანაში.

აშშ-ში, დიდ ბრიტანეთში, კანადასა და ავსტრალიაში ქორწინების ასაკი თითქმის ყოველწლიურად იზრდება. მაგალითად, აშშ-ში ქალები პირველად 28 წლის ასაკში ქორწინდებიან, ხოლო მამაკაცები დაახლოებით 30 წლის ასაკში. შედარებით გვიან დაქორწინების ტენდენცია ძირითადად, დაკავშირებულია კულტურის, განათლებისა და ეკონომიკური ფაქტორების ცვლილებებთან.

აზიისა და ახლო აღმოსავლეთის ისეთ ქვეყნებში, როგორიცაა ინდოეთი, მალაიზია და საუდის არაბეთი, ტრადიციულად, ადრე ქორწინდებიან.  სამხრეთ-აღმოსავლეთ აზიის ზოგიერთ ქვეყანაში მიღებულია გოგონების 15-17 წლის ასაკში დაქორწინება. ეს ტრადიცია რელიგიურ და კულტურულ წეს-ჩვეულებებთან არის დაკავშირებული, სადაც ოჯახი მომავლის უზრუნველყოფასა და გოგონების დაცვაში მნიშვნელოვან როლს ასრულებს.

აფრიკა

აფრიკის ქვეყნებში, მაგალითად ნიგერიასა და მოზამბიკში ქორწინების საშუალო ასაკი 17 და 18 წელია. ამ ქვეყნებში კულტურული განსხვავებებისა და ქორწინებისთვის დადგენილი მინიმალური ასაკის გამო მოზარდების ქორწინება ნორმად აღიქმება.

აზია

ეკონომიკურმა ზრდამ ჩინელებზე მნიშვნელოვანი გავლენა მოახდინა. ამ ქვეყანაში ქორწინების საშუალო ასაკი ქალებისთვის 22-დან 25 წლამდე, ხოლო მამაკაცებისთვის 24-დან 27 წლამდე გაიზარდა. ჩინეთში ადრეული ქორწინება პოპულარული მხოლოდ სოფლებში რჩება, ქალაქის მაცხოვრებლები კი ხშირად ქორწინებაზე  უარს ამბობენ და პარტნიორის არჩევას მეტი ყურადღებით უდგებიან.

კიდევ ერთ აზიურ ქვეყანაში – იაპონიაში, დიდი ხანია, ახალგაზრდების მთავარი პრიორიტეტია კარიერა გახდა. თუ ადრე იაპონელი ქალები ქორწინებასთან დაკავშირებით, საზოგადოების ზეწოლას განიცდიდნენ და 25 წელს გადაცილებულ გაუთხოვარ ქალებს დასცინოდნენ, ახლა ისინი ქორწინების გადადებას და წარმატებული კარიერის შექმნას ამჯობინებენ. თანამედროვე იაპონელი ქალების ქორწინების საშუალო ასაკი 29 წელია.

ევროპა

ევროპულ ისეთ ქვეყნებში, როგორიცაა საფრანგეთი, გერმანია და ესპანეთი, ქორწინების საშუალო ასაკი ორივე სქესისთვის დაახლოებით 30 წელია. ეს გამოწვეულია სოციალური ღირებულებებისა და ოჯახური ცხოვრების აღქმის ცვლილებებით, ასევე განათლების დონის ზრდით და ეკონომიკური განვითარებით.

ყველაზე ახალგაზრდა ახალდაქორწინებულები ბელგიაში ცხოვრობენ – ამ ქვეყანაში ქალები 26 წლის ასაკში ქორწინდებიან.

დიდ ბრიტანეთში ქორწინების საშუალო ასაკი ადრე 22 წელი იყო, მაგრამ 2017 წლისთვის 30 წლამდე გაიზარდა. ამავდროულად, განქორწინების მაჩვენებელიც მცირდება, რაც იმაზე მიუთითებს, რომ ქორწინება უფრო ინფორმირებული და დამოუკიდებელი არჩევანი გახდა.

მიუხედავად იმისა, რომ ესპანეთი ევროპაში არასრულწლოვანთა ქორწინების მაჩვენებლით დიდი ხნის მანძილზე ლიდერობდა და ქორწინების ასაკი 14-დან 16 წლამდე მხოლოდ 2015 წელს გაიზარდა, დღეს ქორწინების საშუალო ასაკი 28 წელია.

დაქორწინებას არც ნიდერლანდების მაცხოვრებლები ჩქარობენ. წყვილები ხშირად ირჩევენ ერთად ცხოვრებას პასპორტში ბეჭდის გარეშე, შვილების გაჩენის შემთხვევაშიც კი. ამ ქვეყანაში ქორწინების საშუალო ასაკი 32 წელია.

იტალიაში უმეტესად, 32 წლის შემდეგ ქორწინდებიან.

საფრანგეთში ქორწინების საშუალო ასაკი ისეთივეა, როგორც  იტალიასა და ნიდერლანდებში. გარდა ამისა, ფრანგებს ევროკავშირში დაუქორწინებელი წყვილების ყველაზე მაღალი მაჩვენებელი აქვთ!

ამერიკა

ისევე, როგორც სხვა ქვეყნებში, ქორწინების ასაკი ამერიკაშიც ეკონომიკურ ფაქტორებთან არის დაკავშირებული.

მაგალითად, ბრაზილიაში ადრეული ქორწინება ხშირია სიღარიბის გამო – გოგონები ხელსაყრელი საქმროს პოვნას ადრეული ასაკიდან ცდილობენ.

მექსიკაში ქალების ქორწინების საშუალო ასაკი 23 წელია, თუმცა ყოველი მეხუთე მექსიკელი ქალი 18 წლამდე ქორწინდება.

აშშ-ში ქორწინების საშუალო ასაკი 27 წელს შეადგენს. ამასთან მილენიალები უფრო გვიან ქორწინდებიან და ამ ნაბიჯს უფრო შეგნებულად უდგებიან.

წინა თაობებისგან განსხვავებით, სადაც ქორწინება ცხოვრების პირველი მნიშვნელოვანი ნაბიჯი იყო, დღევანდელი ახალგაზრდები მას იმ დრომდე აყოვნებენ, სანამ მათი ცხოვრების სხვა ასპექტები უფრო სტაბილური არ გახდება.

მნიშვნელოვანია გვახსოვდეს, რომ საზოგადოებრივი აზრისა და ტრადიციების მიუხედავად, მნიშვნელოვანია, საკუთარ არჩევანის გწამდეთ და ძლიერი და ბედნიერი ოჯახის შესაქმნელად მზად იყოთ!

ასევე დაგაინტერესებთ

#OK! ბეზოსების ,,საუკუნის ქორწილი – დღე 1-ლი