radiotavisupleba ახალი ამბები 
ავსტრიამ პერსონა ნონ გრატად გამოაცხადა ოთხი რუსი დიპლომატი. ადგილობრივ მედიასაშუალებებს ეს 23 ოქტომბერს დაუდასტურეს ავსტრიის საგარეო საქმეთა სამინისტროში.
ოთხი დიპლომატიდან სამი ვენაში, რუსეთის საელჩოს თანამშრომელია, ხოლო ერთი - ეუთოში რუსეთის წარმომადგენლობის.
ავსტრიის საგარეო საქმეთა სამინისტროს თანახმად, გადაწყვეტილება მიღებულია ავსტრიის სპეცსამსახურების მონაცემების საფუძველზე. რუსეთის ეს მოქალაქეები დიპლომატის სტატუსთან შეუსაბამო საქმიანობით იყვნენ დაკავებული.
- როგორც წესი, სახელმწიფოები ამ ფორმულირებას იყენებენ, როცა საქმე ჯაშუშობას ეხება.
რუსეთის სახელმწიფო მედიამ 23 ოქტომბერს გაავრცელა საგარეო საქმეთა მინისტრის მოადგილის, დმიტრი ლუბინსკის მოკლე კომენტრი, რომ ავსტრიის გადაწყვეტილებაზე „შეუქცევადი რეაქცია“ ექნებათ.
- რუსი დიპლომატები გაძევებული არიან ევროკავშირის არაერთი სახელმწიფოდან.
- ერთ-ერთი ბოლო შემთხვევა სექტემბრის დასაწყისში იყო, როცა უნგრეთმა პერსონა ნონ გრატად გამოაცხადა 10 რუსი დიპლომატი. პასუხად მოსკოვმა რუსეთიდან გააძევა უნგრელი დიპოლმატები
