აზერბაიჯანმა სომხეთში ნავთობის მორიგი პარტია გაიტანა

აზერბაიჯანიდან სომხეთში ნავთობპროდუქტების მორიგი პარტია გაიგზავნა. ამის შესახებ სააგენტო APA იუწყება.

ინფორმაციის თანახმად, დღეს ბალაჯარის სადგურიდან ბოიუქ-ქესიქის სადგურის მიმართულებით გაიგზავნა 18 ვაგონი საავტომობილო ბენზინი, რომლის საერთო წონა 971 ტონას შეადგენს. ასევე გაიგზავნა 8 ვაგონი დიზელის საწვავი, საერთო მოცულობით 467 ტონა.

სააგენტოს ცნობით, დღემდე აზერბაიჯანიდან სომხეთში ექსპორტირებულია 14 ათას ტონაზე მეტი დიზელის საწვავი და 4 ათას ტონაზე მეტი ბენზინი.

ამასთან, ოფიციალური ცნობით, აზერბაიჯანის ტერიტორიის გავლით რუსეთიდან სომხეთში ტრანზიტით უკვე გადაზიდულია 34 ათას ტონაზე მეტი მარცვლეული, დაახლოებით 8 ათასი ტონა სასუქი, 133 ტონა ალუმინი, 68 ტონა წიწიბურა და 414 ტონა ანტრაციტი.

სომხეთი საერთაშორისო ინტერნეტს აზერბაიჯანის გავლით მიიღებს – AzerTelecom