აიზენკოტი ნეთანიაჰუს "დემოკრატიის წინააღმდეგ პოგრომის“ მცდელობაში ადანაშაულებს

ოპოზიციის ლიდერმა ეს განაცხადა მას შემდეგ, რაც გენერალურმა პროკურორმა ეჭვქვეშ დააყენა არაბული პარტიების მონაწილეობით საარჩევნო გაყალბების სავარაუდო ფაქტებზე მიმდინარე გამოძიება.

„თავიანთი გასაჭირის ჟამს, „ლიკუდი“ და ნეთანიაჰუ ცდილობენ განახორციელონ ნამდვილი პოგრომი დემოკრატიისა და კანონის
უზენაესობის წინააღმდეგ. ისინი ცდილობენ ყველანი ჩაგვითრიონ სახიფათო კონსტიტუციურ კრიზისში“, — დაწერა მან ებრაულ ენაზე X-ზე.

ისრაელის ცენტრალური საარჩევნო კომისიის ხელმძღვანელმა ნოამ სოლბერგმა შიდა უსაფრთხოების სამსახურის ხელმძღვანელ დავიდ ზინის 29 ოქტომბერს მიმართა წერილით, რომლის თანახმად, არსებობს სერიოზული ეჭვები უცხოეთიდან დაფინანსების გზით არჩევნებზე გავლენის შესახებ, რომ სავარაუდოდ, არაბული პარტიები უცხოეთიდან დაფინანსდა.

ბრალდების მტკიცებულება არ წარმოუდგენიათ.

წინასწარი ოფიციალური შედეგებით, 120-წევრიან ქნესეთში 53 დეპუტატი ეყოლება პრემიერმინისტრ ნეთანიაჰუს მემარჯვენე „ლიკუდისა“ და მისი მოკავშირე პარტიების ბლოკს, 48 - გენერალური შტაბის ყოფილი უფროსის, გადი აიზენკოტის ცენტრისტული „იაშარის“ და მისი მოკავშირე პარტიების ოპოზიციურ ბლოკს და 19 - არაბულ პარტიას.
საპარლამენტო უმრავლესობის შექმნას სულ მცირე 61 მანდატი სჭირდება.
არჩევნების შედეგები განსხვავებული პოლიტიკური ორიენტაციის პარტიებს აიძულებს, კოალიციური მთავრობის შესაქმნელად მოლაპარაკებები აწარმოონ. თუ ეს ვერ მოხერხდა, ისრაელში ხელახალი არჩევნები დაინიშნება.
27 ოქტომბრის საპარლამენტო არჩევნების საბოლოო ოფიციალური შედეგები 4 ნოემბერს უნდა წარუდგინონ ისრაელის პრეზიდენტს.