ალიევმა შეიწყალა ფრანგი, რომლის გათავისუფლებას რუსი ოლიგარქისთვის სანქციების მოხსნას უკავშირებდნენ

აზერბაიჯანის პრეზიდენტის მიერ ხელმოწერილი დოკუმენტი დღეს, 23 სექტემბერს გამოქვეყნდა პრეზიდენტის ოფიციალურ საიტზე.

• ბოლო დღეებში, როცა ევროკავშირში განიხილებოდა სანქციების მოხსნა რუსეთის პრეზიდენტ პუტინთან დაახლოებული ოლიგარქის, ალიშერ უსმანოვისთვის, რასაც სლოვაკეთთან ერთად საფრანგეთიც მოითხოვდა, გამოცემა Financial Times-მა წყაროებზე დაყრდნობით დაწერა, რომ პარიზის გადაწყვეტილების მოტივია მისი მცდელობა, გაათავისუფლოს აზერბაიჯანში დაკავებული საფრანგეთის მოქალაქეები, რასაც შესაძლოა, ხელი უსმანოვმა შეუწყოს. ბაქოში ეს უარყვეს.
• საფრანგეთმა უსმანოვისთვის სანქციების მოხსნის მოთხოვნის მიზეზის განმარტებაზე უარი თქვა და მხოლოდ ის განაცხადა, რომ უკავშირდება „ეროვნული უსაფრთხოების კონკრეტულ პრობლემას“.
• 22 სექტემბერს ევროკავშირმა სანქციები მოუხსნა ალიშერ უსმანოვს და კიდევ ერთ ოლიგარქს, მიხაილ ფრიდმანს.

• საფრანგეთის მოქალაქე, კომპანია Mercorama-ს გენერალური დირექტორი მარტინ რაიანი აზერბაიჯანში 2023 წლის დეკემებრში დააკავეს საფრანგეთის სასარგებლოდ ჯაშუშობის ბრალდებით. რაიანი ამას უარყოფდა.
• 2026 წლის მარტში აზერბაიჯანის სასამართლომ მარტინ რაიანი დამნაშავედ ცნო და 10 წლით თავისუფლების აღკვეთა მიუსაჯა.