ამაზე უარს ვეღარ იტყვის - ალ ჰილალის განახლებული შეთავაზება ოსიმენს

საუდის არაბეთის კლუბი „ალ ჰილალი“ კვლავაც ცდილობს ვიქტორ ოსიმენის გადაბირებას და უკან დახევას არ აპირებს. ნიგერიელმა თავდამსხმელმა არაბული კლუბის ორი წინადადება უკვე იუარა, თუმცა ახლახან „ალ ჰილალმა“ წინადადება მნიშვნელოვნად გააუმჯობესა — Fanatic-ის ინფორმაციით, ახალი შეთავაზება წელიწადში 50 მილიონ ევროს მოიცავს.

გარდა ამისა, საუდის კლუბი მზად არის ნეაპოლელებს ოსიმენის გამოსასყიდი თანხა სრულად გადაუხადოს — 75 მილიონი ევრო.

ნიგერიელის მომავალზე ჯერ კიდევ სერიოზული გაურკვევლობაა. იტალიური მედიის ცნობით, თავდამსხმელს სურს „ნაპოლიში“ დაბრუნება და ძირითად შემადგენლობაში ადგილის დაბრუნებისთვის ბრძოლა, თუმცა საბოლოო გადაწყვეტილება ჯერჯერობით არ მიუღია.

ოსიმენმა წინა სეზონი იჯარით თურქეთის სუპერლიგაში გაატარა, სადაც „გალათასარაის“ მაისურით 30 მატჩში 26 გოლი გაიტანა და საკუთარი კლასის დემონსტრირება კვლავ მოახდინა. მისი გოლეადორული ფორმა დიდი ინტერესის საგანი გახდა, განსაკუთრებით ისეთი კლუბებისთვის, რომლებიც შეტევით პოტენციალსა და მაღალი სტატუსის ფორვარდს ეძებენ.

„ალ ჰილალი“ ცდილობს ოსიმენი თავის ამბიციურ პროექტს შემატოს, რაც კლუბის გლობალურ მიზნებთან თანხვედრაშია.