"ამას ხვიჩასგან რას წარმოვიდგენდი" - რამ გააოცა კვარას ყოფილი გუნდელი

ხვიჩა კვარაცხელიას ყოფილი თანაგუნდელი, ილია სამოშნიკოვი, რომელიც კვარასთან ერთად ყაზანის რუბინში თამაშობდა, ქართველ ფეხბურთელზე კომენტარს აკეთებს.

სამოშნიკოვის თქმით, ფაქტი, რომ კვარაცხელია ოქროს ბურთის მოგების ერთ-ერთი ნომინანტია, მისთვის წარმოუდგენლად ჟღერს:

მიხარია მისი წარმატება. თავიდანვე ვხედავდი, რომ განვითარების ლიმიტი არ ჰქონდა და შორს შეეძლო წასვლა, თუმცა ოქროს ბურთის ნომინანტებში მოხვედრას ვერც კი წარმოვიდგენდი.