"ამიტომ არ გავუშვი გარსია სხვა გუნდში სათამაშოდ" - ჰანს ფლიკი

ბარსელონას მთავარმა მწვრთნელმა ჰანს ფლიკმა გუნდის 24 წლის მცველ, ერიკ გარსიაზე ისაუბრა.

"ერიკ გარსიას სხვა კლუბიდან ჰქონდა შემოთავაზება, თუმცა მე მას ვუთხარი, რომ სხვა პოზიციაზე 100% მჭირდებოდა ის. კარგად ჩანს, თუ როგორ გაუმჯობესდა. შესანიშნავი ფეხბურთელი, შესანიშნავი ადამიანი და პროფესიონალი ფეხბურთელია. გარსია ისეთი ფეხბურთელია, რომელიც მინდა რომ მყავდეს ჩემს გუნდში", - განაცხადა ფლიკმა.

ცნობისთვის, გარსიამ მიმდინარე სეზონში ჩატარებულ 31 მატჩში თავი 3 გოლითა და 1 საგოლე გადაცემით გამოიჩინა.