"ამიტომ არ იყიდა თავის დროზე არსენალმა ხვიჩა" - ყოფილი სკაუტის განმარტება

არსენალის ყოფილი სკაუტი, თომაშ პაშიეჩნიე მედიასთან საუბრისას ასახელებს მიზეზებს თუ რატომ არ იყიდა თავის დროზე ლონდონურმა კლუბმა ხვიჩა კვარაცხელია, რომელსაც 'მეთოფეები' წლების წინ აკვირდებოდნენ.

იმ პერიოდში საქართველოს ახალგაზრდული ნაკრები პოლონეთში იყო, მე კი ყველა ნაკრებისთვის უნდა მიმექცია ყურადღება. როცა საქართველოს თამაში ვნახე, არც კი ვიცოდი თუ რომელი უფრო უკეთესი იყო, დავითაშვილი თუ კვარაცხელია.

დროის სვლასთან ერთად ორივეს ვაკვირდებოდით რუსეთში, თუმცა ხვიჩას ყოველი მომდევნო ნაბიჯი უარესი იყო. ის ბურთს ხშირად კარგავდა, ფიზიკური სიძლიერით არ გამოირჩეოდა და ორთაბრძოლებსაც სულ აგებდა. მიუხედავად ამისა, ვიცოდით რომ კარგი ფეხბურთელი დადგებოდა, თუმცა მაშინ სხვა რეალობა იდგა, მე კი სიმართლე უნდა დამეწერა.