არტეტა: "იანვრის სატრანსფერო ფანჯარაზე ახალ ფეხბურთელს მხოლოდ ამ შემთხვევაში დავიმატებთ"

დიდი ალბათობით ლონდონის არსენალი იანვრის სატრანსფერო ფანჯრის პერიოდში ახალ ტრანსფერს არ განახორციელებს - ინფორმაციას ამის თაობაზე კლუბის მთავარი მწვრთნელი მიკელ არტეტა ავრცელებს.

"სატრანსფერო ფანჯარა გუნდის გაძლიერების შესაძლებლობას იძლევა, მაგრამ ახალ ფეხბურთელს მხოლოდ იმ შემთხვევაში დავიმატებთ, თუ ვიგრძნობთ, რომ შესაფერისი მომენტი და საჭიროებაა", - განაცხადა არტეტამ.

შეგახსენებთ, პრემიერ ლიგის მიმდინარე სეზონში 15 ტურის შემდეგ არსენალი 29 ქულით მე-3 პოზიციას იკავებს და პირველადგილოსან ლივერპულს 6 ქულით ჩამორჩება.