“ასეთი რამე არავის გაუბედავს” - ნინო ნადირაძე ალეკო ალისაშვილის ბრალდებას პასუხობს

კლინიკა „ვივამედის“ გენერალური დირექტორი, ნინო ნადირაძე, სოციალურ ქსელში მკაცრად პასუხობს „ძლიერი საქართველოს“ ლიდერს, ალეკო ელისაშვილს, რომელიც პროტესტს გამოთქვამს კლინიკაში ჩატარებული დიაგნოზის შესახებ. ნადირაძე წერს, რომ არანაირი მწვავე ტრავმა არ დაფიქსირებულა ელისაშვილთან დაკავშირებით და რომ ექიმმა ყველა სტანდარტი დაიცვა. „ არავის გაუბედავს, თქვენიანების გარდა ვივამედზე ზეწოლა და დიაგნოზების კარნახი, არანაირი მწვავე ტრავმა არ აღინიშნებოდა, ვიმეორებ , მწვავე, ტკივილგამაყუჩებელიც კი არ გააკეთებინა მორიგე ექიმს. არაპროფესიონალიც დაინახავს,“ – აღნიშნავს ნადირაძე.

ამას წინათ, ელისაშვილმა სოციალურ ქსელში დაწერა პოსტი, სადაც ის უკმაყოფილებას გამოთქვამს თავის დაჭერისას ჩატარებული სამედიცინო გამოკვლევების შესახებ. მისი თქმით, მიუხედავად იმისა, რომ მას რენტგენოგრაფია ჩაუტარეს და მხოლოდ დაჟეჟილობა დააყენეს, მოგვიანებით აღმოჩნდა, რომ ნეკნი ჰქონდა მოტეხილი.

„როგორც ჩანს, "ვივამედი" ისე აცხობს და წერს აქციებზე ნაცემი და დაკავებული ხალხის დიაგნოზებს, როგორც ზემოდან დაურეკავენ და დაავალებენ.ჩემი დაკავებისას თავი გაიგიჟეს, გამოკვლევები ჩამიტარეს, რენტგენიც გადამიღეს და მხოლოდ დაჟეჟილობა გაქვსო.

ბოლო დროს ტკივილმა მომიმატა, დღეს ტომოგრაფია გადავიღე და ნეკნი მქონია მოტეხილი. წარმომიდგენია, სხვა უფრო მძიმე დაზიანებების დროს დიაგნოზებში რას ჯღაბნიან. სცემთ, აკავებთ ხალხს, ჯანდაბას, დიაგნოზი მაინც უთხარით მართალი, იქნებ, ადამიანის სიკვდილ-სიცოცხლის ამბავს წყვეტს.

12 წლის შემდეგ "ქართული ოცნების" ერთადერთი მიღწევა ის აღმოჩნდა, რომ ნაცებს გადაასწრეს სადიზმში, ფეხებზე კიდიათ ადამიანის ჯანმრთელობა და სიცოცხლე.მაგრამ რაც არ უნდა აცხოთ და აფორმოთ ვივამედში დიაგნოზები, ვერც მძარცველ პოლიციას ვეღარ აღუდგენთ რეპუტაციას და აღარც ისტერიულ ბოდვებში მყოფ ქართულ ოცნებას ეშველება მაგით რამე.

სადაც უკვე აქამდე დავიდნენ, მართლა წასულია ამათი საქმე და აუცილებლად გავიმარჯვებთ სახელოვნად!" – წერს ელისაშვილი.

ელისაშვილს გაუკვირდა, რომ კლინიკა „ვივამედი“ არ ავრცელებს ნამდვილ და სანდო დიაგნოზებს, განსაკუთრებით, როდესაც საქმე ადამიანის ჯანმრთელობას და სიცოცხლეს ეხება. მან ასევე დასძინა, რომ ამ სისტემის მიერ ზეწოლა და დოკუმენტების გაყალბება სერიოზული პრობლემაა.

შეგახსენებთ, რომ 2023 წლის 2 დეკემბერს ალეკო ელისაშვილმა სიტყვიერი და ფიზიკური შეურაცხყოფა მიაყენა ალი ბაბაევს, რამაც გამოიწვია სამართალდამცავი ორგანოების ჩარევა. ელისაშვილი რამდენიმე საათით დააკავეს, რის შემდეგაც ის კლინიკა „ვივამედში“ გადაიყვანეს.

სულ რაღაც რამდენიმე დღეა, რაც ელისაშვილი კვლავ აქტიურად აკრიტიკებს ხელისუფლებას და პოლიციას, ბრალმდებელებს კი ფიზიკურ ძალადობაში ადანაშაულებს.