“აუცილებელი იყო და არის “ნაცმოძრაობის”, როგორც რეჟიმის, გასამართლება” – გურამ მაჭარაშვილი

“ხალხის ძალის” ლიდერი, გურამ მაჭარაშვილი ეხმაურება ცესკოს მიერ მიღებულ გადაწყვეტილებას, რომლის შესაბამისადაც “ნაციონალურ მოძრაობას” ჩამოერთვა საარჩევნო ნომერი “5” და მიაჩნია, რომ შემდეგი ნაბიჯი უკვე პარტიის გაუქმება უნდა იყოს:

“აუცილებელი იყო და არის “ნაცმოძრაობის”, როგორც რეჟიმის, გასამართლება, რომ ეს ე.წ. პოლიტიკური ძალა არ უნდა იყოს ქართულ პოლიტიკაში. ამას ხელი შეუწყო იმან, რომ საგამოძიებო კომისიაში ჩვენ, ექვსი თვის თავზე, დავდეთ ისეთი ტიპის დასკვნა, რომელიც, დარწმუნებული ვარ, იქნება ისტორიული მნიშვნელობის და სამართლებრივად მაღალი ხარისხის, რაც, შესაბამის უწყებაში, სათავეს დაუდებს “ნაცმოძრაობის” გაუქმებას.

რა თქმა უნდა, ამ ფონზე, ნომრების ჩამორთმევა და გაუქმება არაფერი მტკივნეული და ზიანის მიმყენებელი “ნაციონალურ მოძრაობისთვის” არ იქნება“, – განაცხადა გურამ მაჭარაშვილმა.