აჭარის ტელევიზიის ტელეწამყვანი 2000 ლარით დააჯარიმეს

აჭარის ტელევიზიის თანამშრომელი, - რომელიც წინა დღეებში შეურაცხყოფასა და ძალადობაზე საუბრობდა, - პოლიციამ 17 აგვისტოს, დილით დააკავა, როცა მას მოწმის სახით ჰკითხავდნენ.

მას ედავებოდნენ 166-ე (წვრილმანი ხულიგნობა) და 173-ე (პოლიციის კანონიერი მოთხოვნისადმი დაუმორჩილებლობა) მუხლების დარღვევას.

იგი 17 აგვისტოს დღის მეორე ნახევარში ხელწერილის საფუძველზე გამოუშვეს დროებითი მოთავსების იზოლატორიდან.

მოსამართლე ალექსანდრე გოგუაძემ კი 18 აგვისტოს მას 2000-ლარიანი ჯარიმა დააკისრა.

„მინიმალური ჯარიმა შეგიფარდეთ“ - გამოცემა „აჭარა თაიმსის“ ცნობით, უთხრა მოსამართლემ ტელეწამყვანს.

• 16 აგვისტოს გამოცემა „აჭარა თაიმსმა“ გაავრცელა ინფორმაცია, რომ ფარტენაძეს ბათუმში, ევროპის მოედანზე, კვლავ დაესხნენ თავს;
• უფრო ადრე, ფარტენაძემ 10 აგვისტოს განაცხადა, რომ ბათუმში თავს დაესხნენ, დაემუქრნენ, აგრეთვე სიტყვიერი და ფიზიკური შეურაცხყოფა მიაყენეს.
• პოლიციამ ინციდენტში მონაწილე ორი პირი დააკავა, ხოლო სასამართლომ ისინი 7-7-ათასლარიანი გირაოს სანაცვლოდ გაათავისუფლა.