ბათუმმა ქუთაისს მატჩის ბოლო 2 წუთი 7:0 მოუგო და საბოლოოდ 101:100 დაამარცხა

სუპერლიგის მე-19 ტური ქუთაისში, მოულოდნელი შედეგით დასრულდა. იმაში, რომ ბათუმმა ქუთაისი დაამარცხა, მოულოდნელი არაფერია, თუმცა ცხრილის და გუნდების ბოლოს ნაჩვენები შედეგების გათვალისწინებით აჭარელთა გამარჯვებას ცოტა თუ ელოდა. ქუთაისი სუპერლიგის ლიდერი გახლდათ დაკარგული ქულებით და ბათუმთან მარცხის შემდეგაც ლიდერად დარჩა.

კოტე ტუღუშის გაწვრთნილ ქუთაისელებს 4 წაგება ჰქონდათ, ხოლო ამ მაჩვენებლით მათი მდევრები 6-6 წაგების მქონე ივერიონი და ვსა არიან. ბათუმთან წაგების შემდეგ ქუთაისს მდევრებზე 1-ით ნაკლები წაგება შერჩა, რომელიც თუ დარჩენილ 3 მატჩში ვერ შეინარჩუნა, პლეი ოფში მათთან პლეი ოფში მოედნის უპირატესობას დაკარგავს.

რაც შეეხება მატჩს, ის ქუთაისმა ბოლო 2 წუთში წააგო. თამაშის დასრულებამდე 2 წუთით ადრე მასპინძლები 10:94 იგებდნენ, თუმცა დარჩენილი 120 წამი 0:7 წააგეს და შესაბამისად, მატჩიც 100:101 (სტატისტიკა) დათმეს. ორქულიანები კეილენ უილიამსმა და ჯექსონ ბრენჩლიმ ჩააგდეს, ამ უკანასკნელმა კი დასრულებამდე 0.1 წამით ადრე, ისე, რომ არავინ მეურვეობდა, გამარჯვების სამქულიანი მიითვალა.

ბრენჩლი 29 ქულით ბომბარდირი გახდა, ხოლო 14 მოხსნით, საუკეთესო მომხსნელი. თუმცა მასზე სარგებლიანად კეილენ უილიამსი გაისარჯა, რომელმაც 27 ქულა, 8 პასი და 6 მოხსნა მიითვალა. მან 11-დან 11 ორქულიანი ჩააგდო, რაც მიმდინარე სუპერლიგაში უნიკალური შედეგია. ამდენი და აუცდენლად არავის ჩაუგდია.

ბათუმმა ამ გამარჯვებით პლეი ოფში თამაში ფაქტობრივად გაინაღდა. თეორიულად არის შანსი, რომ აჭარული გუნდი 8 საუკეთესოს მიღმა დარჩეს, თუმცა პრაქტიკულად ეს ვერ მოხდება.

სუპერლიგის მომდევნო, მე-20 ტური 4,5 და 6 აპრილს – ზესტაფონში, ბათუმში, თბილისსა და გორში გაიმართება.

GBF.GE